अनसनरत सत्याग्रही डाक्टर गोबिन्द केसीको जीवन रक्षा र उनको माग पूरा गराउन सरकारलाइ दवाब दिदै माइतीघर मण्डलामा प्रदर्शन भएको छ ।
बृहत नागरैक आन्दोलनका अगुवाहरूको आयोजनामा लेखक तथा अभियान्ता खगेन्द्र संग्रौला, अभियान्ताहरु बिजयबाबु शिवाकोटी, बिमल पौडेल लगायत दर्जनौ समर्थकहरुको सहभागिता रहेको थियो ।
चिकित्सा क्षेत्रमा सुधारको माग गर्दै डा केसीले आफ्नो २० औं अनसन सेती प्रादेशिक अस्पताल धनगढीमा सुरु गरेका थिए ।
स्वास्थ्य क्षेत्रको सुधारको माग गर्दै विगत ११ दिनदेखि कैलालीको धनगढीबाट अनशन सुरु गरेका डा. केसीको दिसामा रगत देखापरेको लगायतका समस्या उत्पन्न भएपछि यही असोज ६ गते बेलुका अस्पतालमा भर्ना गरिएको थियो ।
त्रिभुवन विश्वविद्यालय (त्रिवि) शिक्षण अस्पतालले डा गोविन्द केसीको स्वास्थ्य अवस्था बिग्रँदै गएको जनाएको छ । अस्पतालका सूचना अधिकारी रामविक्रम अधिकारीले शुक्रबार विज्ञप्ति जारी गर्दै डा. केसीको स्वास्थ्य अवस्था बिग्रँदै गएको जनाएका छन् ।
उनका अनुसार हरेक दिन बिराएर गरिएका प्रयोगशाला परीक्षणको रिपोर्टअनुसार शरीरमा इलेक्ट्रोलाइट्सको मात्रा घट्दै गइरहेको छ । इलेक्ट्रोलाइट्सको आपूर्तिका लागि डा. केसीले अस्वीकार गरिरहेको उनले जारी गरेको विज्ञप्तिमा भनिएको छ ।
थप तस्बिरहरू