काठमाडौं महानगरपालिकाले वीर अस्पताल क्षेत्र वरपर बनेका अनाधिकृत पसलहरु हटाएको छ । अस्पतालको भवनदेखि उत्तरतर्फ रहेका अनाधिकृत संरचना डोजर लगाएर हटाउन सुरु गरिएको महानगरले जनाएको छ ।
डोजर चलाउनु अघि सो क्षेत्रमा रहेका टहराहरु हटाउन महानगरले सूचना जारी गरेको नमानेपछि बाध्य भएर डोजर लगाएर हटाउन परेको महानगरको भनाई छ । यस्तै विर हस्पिटलका उपसचिव सागर मिश्रले आन्तरिक क्षमताले बिरामीलाई आवश्यक औषधि उपलब्ध गराउन सक्दैनौ भनेर समय माग्दा पनि भत्काउन आएको बताएका छन् ।
हिजो दिउसो ३ बजे आएर खालि गर्न भनेर अहिले आएर डोजर लगाएको बताउदैँ कर नतिरेको होइन नक्सा पास नभएको हुनाले भत्काउन लागेको उनको भनाई छ । त्यही पसल भएको औषधि व्यापारिले ७ दिनको समय मात्र दिएपनि हामी पसल छोड्न्छिौ भन्दा पनि महानगरले नमानेको बताए । उनले हस्पिटलमा भित्र भएको औषधि पसलमा ४० प्रतिशत औषधि मात्रै पाउने बताउदैँ महानगरका यस्तो कदमले हस्पिटलका बिरामिहरु समयमा औषधी नपाएर मर्न पर्ने अवस्था आउने बताए ।
वीर अस्पताल अगाडिका औषधि व्यापारी भन्छन्, पहिला हस्पिटलमा चिठि आयो घर भाडा कर तिरेको छैन महानगरपालिकालाई भनेर त्यसपछि हामीले हस्पिटलसँग कुरा गर्यौँ यो हस्पिटलको स्थान हो । हस्पिटलले तिरेको लिखित कागज देखायो अवैध रैछ भन्ने थाहा भयो २५ सय देखि ३ हजार जना विरामी आउछ वीर हस्पिटलमा भित्र एउटा मात्र औषधि पसल छ त्यसमा ४० प्रतिशत मात्रै औषधि पाउछ । कति विरामि मर्ने हो भन्ने थाहा छैन् ।
यस्तै सर्वसाधारणको भनाईमा बालेनले गरेका कामहरु एकदम राम्रो छ र यस्तो २, ४ जना मान्छेको देशमा खाँचो छ । त्यहाँ उपस्थित एक व्यक्तीले भने, २० जना बालेन जस्तो मान्छेलाई हामी नटिकाउने हो भने हामी नेपाली शरणार्थी हुन्छौ आफ्नै भूमिमा यसकारण सबैले युवालाई जिताउनु पर्छ ।
यस्तै एकजना युवाले देशमा ८,१० जना बालेन जस्तो मान्छेलाई जिताउने हो भने जनताको दुख हराएर कुरामा ढुक्क भएको पनि बताए । उनले भने, ‘अब जे गर्ने हो त्यो युवाहरुले गर्छ, कुरा मात्र गर्नेको काम छैन् । बालेन शाह जस्तै ८, १० जना हामीलाई चाहिएको हो । मंसिरमा हुने चुनावमा मात्रै हामीले बालेन जस्तो मान्छेलाई जिताउन सक्यौ भने हाम्रो दुख कम हुन्छ । बालेनको ज्यान जोखिममा छ, उनलाई पार्टीको पैसाको घमण्ड छैन काठमाडौंलाई राम्रो बनाउनु छ त्यसमा मेरो साथ छ ।’
देशले परिवर्तन खोजेको र त्यो परिवर्तन बालेन जस्तो व्यक्तिले मात्र ल्याउन सक्ने सर्वसाधारणको भनाई रहेको छ ।