भक्तपुरमा सुस्त मनस्थिती भएकी बर्ष १५ की बालिकालाई जबरजस्ती करणी गरेको कसुरमा प्रहरीले एक व्यक्तिलाई पक्राउ गरेको छ ।
जिल्ला प्रहरी परिसर भक्तपुरले असोज ४ गते दिउँसो २ बजे मध्यपुर ठिमी एरियामा बालिकालाई करणी गरेको अभियोगमा सोही ठाउँमा बस्ने राजु नेपालीलाई नियन्त्रणमा लिएको हो ।
कपिलबस्तु बुद्धभुमि नगरपालिका वडा नं. ३ घर भएका नेपाली हाल मध्यपुर ठिमी नगरपालिका वडा नं. २ मगरगाँउमा बस्दै आएको भक्तपुर प्रहरीका प्रवक्ता डिएसपी राजु पाण्डेले केटिएम दैनिकलाई बताए ।
पाण्डेका अनुसार पक्राउ परेका व्यक्तिउपर थप अनुसन्धान जारी छ ।