नागरिकता विधेयक प्रमाणीकरण नगरेको भन्दै आज साँझ राष्ट्रपति विद्यादेवी भण्डारीको पुत्ला जलाइएको छ । सत्ता गठबन्धनमा आवद्ध विद्यार्थी संगठनहरूले रत्नलक्ष्मी क्याम्पसअगाडि राष्ट्रपतिको पुत्ला तहन गरेका हुन् ।
संसदबाट दोस्रो पटक पारित गरी प्रमाणीकरण गर्न राष्ट्रपति समक्ष पठाएको नागरिकता विधेयक राष्ट्रपतिले पारित नगरेपछि सत्ता गठबन्धन निकट विद्यार्थी संगठनहरूले पुत्ला तहन गर्नुपरेको बताएका छन् । पहिलोपटक राष्ट्रपतिसामू पठाइएको विधेयकमा राष्ट्रपतिले संसोधन गरी पेश गर्न संसदमा पठाएको भएतापनि गठबन्धनले जस्ताको जस्तै फिर्ता पठाएको थियो ।
विद्यार्थीहरूले ‘नागरिकता विधेयक एमालेले पेश गरे विर्ता हुने अरुले पेश गरे फिर्ता हुने ?’, ‘एमालेको राष्ट्रपतिको बिग्रेछ मति’, संवैधानिक कु गर्ने राष्ट्रपतिलाई बहिस्कार गरौं’, लगायतका नारा लेखिएका प्लेकार्ड बोकेका थिए ।
राष्ट्रपतिको पुत्ला जगाउने क्रममा आरआर क्याम्पस अगाडि इन्टरनेट र टेलिफोनका तारहरूमा पनि आगो लागेको थियो ।
तस्बिरहरू