काठमाण्डौँ महानगर र नेपाल एम्बुलेन्स सर्भिस संयुक्त कार्यक्रम अनुसार काठमाण्डौँ उपत्यकामा नि:शुल्क एम्बुलेन्स सेवा सञ्चालन भइरहेको छ । तपाईले १०२ मा कल गरेर आवश्यक परेको समयमा एम्बुलेन्स सेवा प्राप्त गर्न सक्नु हुनेछ ।
काठमाडौं उपत्यकामा नि:शुल्क एम्बुलेन्स सेवा सुरु भएको छ । काठमाण्डौँ महानगर र नेपाल एम्बुलेन्स सर्भिसको संयुक्त कार्यक्रम अनुसार काठमाण्डौँ उपत्यकाभित्र नि:शुल्क एम्बुलेन्स सेवा सञ्चालन भएको हो ।
काठमाडौं महानगरपालिकाका मेयर वालेन्द्र साहले बिरामीले आवश्यक पर्दा १०२ मा फोन गरेर निःशुल्क एम्बुलेन्स सेवा लिन सक्ने बताए ।
साथै साहले डेङ्गु संक्रमितहरुका लागि २४ घण्टे हटलाइन सुरु गरेको जानकारी दिएका छन् । संक्रमित भए वा भएको शंका लागेमा ११८० मा कल गरेर स्वास्थ्यकर्मीहरुबाट नै परामर्श पाउन सकिनेछ ।