भारतका प्रधानमन्त्री नरेन्द्र मोदीको जन्मदिनमा नेपालका प्रधानमन्त्री शेर बहादुर देउवाले शुभकामना दिए ।
मोदीलाई शुभकामना दिनेमा देउवामात्रै हैन अन्य नेपाली नेताहरू पनि छन् तर मोदीले देउवालाई मात्र जन्मदिनको शुभकामना दिएकोमा धन्यवाद व्यक्त गरे । देउवाको शुभकामनाले आफ्नो हृदयलाई छोएको समेत उनले बताए ।
सो सब कुरा सामाजिक सञ्जाल ट्विटरमा भएको हो । नेपालका प्रधानमन्त्री शेर बहादुर देउवाले आज बिहान स्थानीय समयअनुसार ९:१५ मा भारतका प्रधानमन्त्रीलाई ट्विटरमा जन्मदिनको शुभकामना दिएका थिए । देउवाको ट्विटर ह्यान्डल @sherbdeuba लाई झण्डै पाँच लाखले पछ्याइरहेका छन् ।
उता नरेन्द्र मोदीले देउवाको उक्त ट्विटलाई कोट गर्दै जन्मदिनको शुभकामना दिएकोमा खुशी व्यक्त गरेका हुन् । मोदीलाई ट्विटरमा फ्लो गर्नेहरूको सङ्ख्या आठ करोड २५ लाख भन्दा बढी छ ।