कफि खान क्याफेमा आएकी एक नाबालिका करणी गरेको अभियोगमा प्रहरीले एक किशोरलाई पक्राउ गरेको छ ।
जिल्ला प्रहरी परिसर भक्तपुरबाट खटिएको टोलीले १५ वर्षीया बालिकालाई जबरजस्ती करणी गरेको अभियोगमा दोलखा बैत्यश्वर गाउँपालिका घर भई भक्तपुर नगरपालिका-१ दुधपाटी बस्ने १८ वर्षीय किशोरलाई बिहीबार साँझ पक्राउ गरेको छ ।
ती किशोरले बालिकालाई भक्तपुर नगरपालिका-१ दुधपाटीस्थित आफू काम गर्ने क्याफेमा बिहीबार दिउँसो जबरजस्ती करणी गरी फरार भएको भन्ने खबर प्राप्त हुनासाथ प्रहरी परिसर भक्तपुरबाट खटिएको प्रहरीले उनलाई पक्राउ भक्तपुर प्रहरी प्रवक्ता डिएसपी राजु पाण्डेले केटिएम दैनिकलाई बताए ।
पाठकका अनुसार अनुसन्धानमा किशोरको उमेर पनि परीक्षण गरिन्छ र उनी दोषि पाइएको खण्डमा कानुनअनुसार सजायँ हुन्छ । किशोर बालक नै भएको खण्डमा उनलाई बालसुधार गृहमा राखिन्छ ।
नोट: यस समाचारमा प्रयोग गरिएको फोटो Pixabay.com बाट लिइएको एक सांकेतिक तस्बिर मात्र हो ।