नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले धर्मका नाममा ढुंगा पुज्नु भन्दा त मान्छेकै वूजा गर्नु ठीक हुने बताएका छन् ।
राष्ट्रिय विज्ञान दिवसको अवसरमा पार्टीको विज्ञान तथा प्रविधि विभागद्वारा आयोजित मोबाइल एप शुभारम्भ कार्यक्रमलाई सम्बोधन गर्दै प्रचण्डले हेराइ र सोचाईमै नयाँपन ल्याउन वैज्ञानिक दृष्टिकोण विकासको बहस गर्न जरुरी रहेको औल्याए ।
उनले भने, ‘अहिले विज्ञान प्रविधिलाई जसले राम्रोसँग आत्मसात् गर्न सक्यो ती राष्ट्रहरु विकसित छन् । जस्ले त्यसो गर्न सकेन ती अल्पविकसित छन् । हाम्रो समाजको नेगेटिभ भन्छन् नि, हाम्रो हेराइ र सोचाईमै नयाँपन वैज्ञानिक दृष्टिकोण विकासको बहस गर्न जरुरी छ ।
उनले निर्वाचनलाई लक्षित गर्दै प्रविधिको सही सदुपयोग गर्न सक्नेले ठिक ढंगले जनतालाई चेतना दिने बताउँदै जनतालाई सहि निर्णय लिन मद्धत गर्ने जिकिर गरे। ‘
उनले थपे, ‘हामीकहाँ त तेत्तिस कोटी देवता हुन्छन् । तिनै देउताको पूजा हुन्छ, ढुंगालाई पूजा गर्ने संस्कार छ । तर मान्छेलाई लात हान्दै हिँड्छन् ।’ यसरी तेत्तीस कोटी देउताका नाममा ढुंगा पुज्दै हिँड्नुभन्दा मान्छेकै पूजा गर्नु राम्रो हुने उनको भनाइ थियो ।
उनले धर्मविरुद्ध नगएको र धर्म नकारात्मक हो भन्ने आशय नरहेको भन्दै मान्छेबीच थिचोमिचो र विभेद गर्न नहुने आशय रहेको समेत बताए । चुनावका बेला प्रचण्डले धर्मविरुद्ध बोल्यो भन्लान् भनेर आफूलाई डर रहेको समेत उनले बताए ।
अध्यक्ष प्रचण्डले जनताको धार्मिक आस्था र भावनालाई अपमान नगरि उत्पादनको विकास,समग्र सम्बृद्धि र समाजवादको निम्ति यसको महत्व र भुमीका बुझाउनुपर्ने धारणा राखे । उनले विज्ञान र प्रविधिको विकास बिना उत्पादनमा वृद्धि सम्भव नहुने प्रष्ट पारे ।