पाल्पामा एक महिलाले आफ्नै घरमा आत्महत्या गरेकी छिन् ।
तानसेन नगरपालिका-१२ लुङ बस्ने अन्दाजी ३५ वर्षीया पार्बती बि.क. ले आफ्नै कोठामा रहेको काठको बलोमा चुन्निको पासो लगाई आत्महत्या गरेको पाल्पा प्रहरी प्रवक्ता डिएसपी वीरेन्द्र थापाले बताए ।
थापाका अनुसार आज (बुधबार) बिहान अन्दाजी ८:४५ बजे उनले आत्महत्या गरेकी हुन् ।
मृतकका श्रीमान वैदेशिक रोजगारीको शिलशिलामा विदेशमा छन् । उनीहरूको एक सात वर्षीय छोरा समेत छन् ।
प्रहरीका अनुसार मृतकले यसअगाडि पनि आत्महत्या गर्ने गरेको खुलेको छ । अहिलेसम्म घटनास्थलमा सुसाइट नोट फेला परेको छैन । माइतबाट घर फर्किएको भोलिपल्ट मृतकले आत्महत्या गरेकी हुन् ।
आत्महत्या गर्नुको कारण भने खुलिनसकेको डिएसपी थापाले केटिएम दैनिकलाई बताए ।