नेकपा (एकीकृत समाजवादी)का अध्यक्ष माधवकुमार नेपालले गठबन्धन भित्र सिट बाँडफाँडको विषय पेचिलो बन्दै गएको बताएका छन् ।
उनले आगामी निर्वाचनमा गठबन्धनका दलहरु भित्र सिट बाँडफाँटको विषय सम्भव हुन्छ वा हुन्न ? भन्ने प्रश्न उठ्ने गरेको जिकिर गरे ।
पार्टीनिकट नेपाल दलित मुक्ति संगठनको केन्द्रीय कमिटी बैठकलाई सम्बोधन गर्दै उनले आगामी निर्वाचनमा हामीले सिट बाँडफाँडको विषयमा सम्झव बनाउने चाहीँ रहेको स्पष्ट पारे ।
उनले भने, “अहिले हामी विभिन्न पार्टीहरुसँग चुनावको तालमेल गर्दै अगाडि बढिरहेका छौँ। तालमेल गर्दै जाने क्रममा नै हामी सिट बाँडफाँट गर्न चाहिरहेका छौँ । त्यो कति सम्भव छ, कति सम्भव छैन भन्नेबारमा पनि प्रश्न उठेको छ । हामीले सम्भव बनाउन चाहिरहेका छौं ।”
नेता नेपालले आगामी मंसीर ४ गते हुने प्रतिनिधि र प्रदेशसभा निर्वाचनका लागि पार्टीका नेता–कार्यकताहरुलाई परिचालनमा जुटन् आह्वान गरे । उनले एकीकृत समाजवादीको सामथ्र्य वृद्धि गर्नको लागि सर्मपित हुर्नुपर्ने बताउँदै पार्टीसँग हातोमालो गरेर अगाडि बढ्न आग्रह समेत गरेका छन् ।
