कपिलवस्तुमा करेन्ट लागेर १४ वर्षीया बालिकाको निधन भएको छ ।
जिल्लाको बुद्धभूमी नगरपालिका-४ पश्चिमटोल बस्ने रामचन्द्र केवटकी १४ वर्षीया छोरी बिनिता केवटको करेन्ट लागेर बिहीबार दिउँसो मृत्यु भएको हो ।
बारीमा बाँदर भगाउन करेन्टको बार लगाउने क्रममा करेन्ट लाग्दा उनको निधन भएको जिल्ला प्रहरी कार्यालय कपिलवस्तुले जनाएको छ ।
त्यस्तै सिरहाको गोलबजारमा करेन्ट लागेर बाबु छोराको मृत्यु भएको छ । पानी तान्ने मोटरको तार जोड्ने क्रममा करेन्ट लागेर जिल्लाको गोलबजार नगरपालिका- ६ ग्रामिण बजरका ४२ वर्षीय विजय साह र उनका छोरा १९ वर्षीय अमनको मृत्यु भएको हो ।
इनारभित्र राखेको पानी तान्ने मोटरको तार जोड्ने क्रममा करेन्ट लागेका बुबालाई छु्याउन गएका छोरालाई पनि करेन्ट लागेको इलाका प्रहरी कार्यालय गोलबजारका प्रमुख इन्पेक्टर राजु केसीले जानकारी दिए।