मंसिर ४ मा हुने प्रतिनिधि सभा निर्वाचनमा उम्मेदवार बन्न नेपाली कांग्रेसका महामन्त्री गगन कुमार थापाले आवेदन दर्ता गराएका छन् ।
बुधबार काठमाडौंको निर्वाचन क्षेत्र–४ मा उम्मेदवार बन्न महामन्त्री थापाले आवेदन दिएका हुन् ।
कांग्रेस क्षेत्रीय कार्यसमितिले आगामी मंसिर ४ मा हुने निर्वाचनका लागि आकांक्षीहरूबाट उम्मेदवार बन्न आवेदन माग गरेपछि थापाले काठमाडौ-४ बाट आवेदन दिएका हुन् ।
पार्टीले भने थापालाई कास्कीको निर्वाचन क्षेत्र १ बाट आग्रह गरेको थियो । तर, उनले आफू लडेकै निर्वाचन क्षेत्रबाट चुवाव लड्ने भनेका थिए ।
अघिल्लो निर्वाचनमा सो क्षेत्रबाट २१ जना चुनावी प्रतिस्पर्धामा हुँदा नेपाली कांग्रेसका गगन कुमार थापा २१,५५८ मतका साथ निर्वाचित भएका थिए । उनका निकटतम् प्रतिस्पर्धी नेकपा एमालेका राजन भट्टराईले १८,१४० मत पाउँदा विवेकशील साझा पार्टीकी सुबुना बस्तेनको मत ३,०४० थियो ।
अन्य उम्मेदवार मध्येमा कसैले पनि १५५ मत कटाउन सकेका थिएनन् । काठमाडौं जिल्लामा १० वटा प्रतिनिधि सभा निर्वाचन क्षेत्र र २० वटा प्रदेश सभा निर्वाचन क्षेत्र रहेका छन् ।
