मंगलबार समाजिक सञ्जालमा एक भिडिओ चर्चामा आयो । नेकपा माओवादी केन्द्र निकट युवा संगठन वाईसीएलबाट महेश बस्नेत लखेटिएको भन्दै सामाजिक सञ्जालमा उक्त भिडियो शेयर भइरहेको छ ।
सामाजिक सञ्जालमार्फत आफ्नो चरित्र हत्या गरिएको भन्दै नेकपा एमालेका पोलिटब्यूरो सदस्य एवम् सांसद महेश बस्नेतले उजुरी दिने तयारी गरेका छन् ।
बस्नेतलेका स्वकीय सचिव दिनेश थापाका अनुसार ‘ वैशाख ३० गते भएको स्थानीय चुनावमा सिन्धुपाल्चोक चौतारा नगरपालिकामा माओबादीका तर्फबाट मेयरको टिकट कृष्ण प्रसाद सापकोटालाई दिएपछि मनोनयन दर्ता गर्न जाने क्रममा माओबादी कै निवर्तमान मेयर अमान सिंह तामाङ्ग पक्षका कार्यकर्ता विच भएको विवादको भिडियोलाई महेश बस्नेत लखेटिएको भन्दै चरित्र हत्या गर्न खोजिएको हो ।’
सचिवालयले भनेको छ, ‘सामाजिक सञ्जालको दुरुपयोग गरी “नेकपा एमालेका नेता महेश बस्नेतलाई नेकपा माओवादी केन्द्रको भातृसंगठन वाईसीएलका युवाहरु द्वारा भौतिक आक्रमण गरेको भनि ” झुटा प्रचार गरिएकोमा हाम्रो गंभिर आपत्ती रहेको छ ।
सचिवालयले सुभचिन्तक तथा पार्टी कार्यकर्तालाई भ्रममा नपर्न अपिल गर्दै,सामाजिक सञ्जालको दुरुपयोग गरी व्यक्तिगत चरित्र हत्या गर्नेलाई कानुनी कारवाही गर्ने गर्ने जनाएको छ ।
तत्काल साइवर क्राइममा जानकारी गराई आवश्यक कानुनी प्रकृया अगाडी बढाउने समेत स्वकीय सचिव थापाले जनाएका छन् ।
