प्रेस काउन्सिल नेपालले फोटोको गलत प्रयोग गरी पत्रकारिताको धज्जी उडाउने पत्रकार र सञ्चारमाध्यमलाई कारवाहीको चेतावनी दिएको छ । काउन्सिल अध्यक्ष बालकृष्ण बस्नेतले दलीय चश्मा झिकेर समाचार प्रवाह गर्न आग्रह गर्दै त्यसो नगर्नु सिंगो पत्रकारिताको लागि घातक हुने जनाएका हुन् ।

बिहीबार सामाजिक सञ्जालमा अध्यक्ष बस्नेतले लेखेका छन्, ‘फोटो वा दृश्यको दुरुपयोग गर्ने, फरक प्रसंगका समाचार सामाग्रीमा जोड्जाड गर्ने प्रवृत्ति सिंगो पत्रकारिरताका लागि घातक छ । पत्रकार तथा सञ्चारमाध्यमले जथाभावी तस्बिर, भिडियो दृश्य, ध्वनि वा तथ्यलाई तोडमोड गरी गलत अर्थ लाग्ने वा असान्दर्भिक समाग्री प्रकाशन गर्नु अर्को अपराध हो ।’

केही मिडिया र सामाजिक सञ्जालमा अल्फाबिटा कम्लेक्सका सञ्चालकलाई पूर्व प्रधानमन्त्री केपी शर्मा ओली, प्रचण्डसहितका नेताहरुसँग जोडी गलत समाचार र तस्वीर आइरहेका बेला बस्नेतको यस्तो प्रतिक्रिया आएको हो । काउन्सिलले तस्बिरको गलत प्रयोग गर्ने त्यस्ता सञ्चारमाध्यमलाई कारवाही थालेको बताइएको छ ।

यो पढ्न छुटाउनु भयो कि

• . प्रेस काउन्सिल ऐन संशोधन हुनुपर्छ: अध्यक्ष बस्नेत

• . ६ महिनामा ४५ सञ्चार माध्यमलाई काउन्सिलले गर्‍यो कारबाही

• . अनलाइनलाई नियमित अभिमुखीकरण गरौँ : सञ्चारमन्त्री शर्मा

• . अनलाइन सञ्चार माध्यमको संख्या ३ हजार ७०३, सूचीकरण अद्यावधिक गर्न काउन्सिलको सूचना

• . सञ्चार माध्यमको मास्टहेड दुरुपयोग भएकोप्रति काउन्सिलको गम्भीर ध्यानाकर्षण

उनले लेखेका छन्, ‘दलीय वा कुनै पूर्वाग्राहको चश्मा झिकेर मात्र समाचार प्रवाह गरौं । त्यसो हुन सके मात्र सञ्चारमाध्यम र सामाजिक सञ्जालको सही सदुपयोग हुनेछ । आचारसंहितालाई अचार बनाउन तिर कोही नलागौं ।’