बैतडीको एक विद्यालयमा अध्ययनरत छात्रालाई जबरजस्तीकरणी गर्ने प्रयास गरेको आरोपमा सोही विद्यालयमा पठाउने शिक्षक पक्राउ परेका छन् ।
बैतडीको मेलौली नगरपालिका-३ को प्रितीपुर माध्यमिक विद्यालयमा अध्ययनरत अन्दाजी १५ वर्षीया बालिकालाई जबरजस्तीकरणी गर्न खोजेको आरोपमा ३५ वर्षीय शिक्षक किशोर जोशीलाई पक्राउ गरिएको जिल्ला प्रहरी कार्यालयका प्रहरी निरीक्षक लोकराज जोशीले केटिएम दैनिकलाई बताए ।
जोशीका अनुसार शिक्षकले विद्यालयमा गणित विषय पढाउने गर्दथे । शिक्षक त्यहीका स्थानीय हुन् । आज बिहान विद्यालय समयमा छात्रामाथि जबरजस्ती करणी गर्ने प्रयास गरेको सूचना पाएपछि उनलाई विद्यालयबाट नियन्त्रणमा लिइएको हो ।
जोशीलाई नियन्त्रणमा लिएर थप अनुसन्धान र प्रकिया अगाडी बढाइएको प्रहरी निरिक्षक जोशीले बताए ।