बैंकिङ कसुर मुद्दामा फरार भएकी एक महिलालाई प्रहरीले पक्राउ गरेको छ ।
झापाको मेचीनगर-१० निवासी टिकामाया भट्टराईलाई प्रहरीले पक्राउ गरेको हो । उनीबिरुद्ध दुई लाख आठ हजार रुपैयाँ जरिवाना र दुई दिनको कैद सजाय तोकिएको छ ।
उच्च अदालत बिराटनगर इलाम इजलासले असार ८ गते फैसला गरेपछि उनी फरार रहेकोमा प्रहरीले साउन २८ गते पक्राउ गरेर २९ गते जिल्ला अदालत झापामा उपस्थित गराएको हो ।
अदालत प्रतिवादीलाई कैद भुक्तानको लागी कारागार कार्यालय चन्द्रगढी पठाउने आदेश दिएपछि उनलाई आज कारागार कार्यालय चन्द्रगढी झापा पठाइएको जिल्ला प्रहरी कार्यालय झापाका प्रवक्ता प्रहरी नायव उपरीक्षक बसन्त पाठकले केटिएम दैनिकलाई बताए ।