बेलबारी नगरकार्यपालिका सदस्य विजय तोलांगीमाथि बलात्कारको आरोप लागेको छ।
२४ वर्षीया युवतीलाई बलात्कार गरेको आरोप उनी माथि लागेको हो।
उनीबिरुद्ध बेलबारी नगरपालिका–२ का २५ वर्षीय तोलांगीविरुद्ध पीडित पक्षले शनिबार इलाका प्रहरी कार्यालयमा उजुरी दिएका थिए।
तोलांगीले साउन १८ केराबारी गाउँपालिका–२ सिहंदेवी जेफालेमा लगेर ती युवतीलाई बलात्कार गरेको पीडित पक्षको आरोप छ। युवती उर्लाबारी घर भई विराटनगरको एक अस्पतालमा कार्यरत छिन्।
यता, पीडित पक्षको उजुरीलगत्तै आरोपित फरार भएको र खोजी कार्य भइरहेको मोरङ प्रहरीका प्रवक्ता प्रहरी नायब उपरीक्षक दीपक श्रेष्ठले बताए।
उनका अनुसार शनिबारै कोसी अस्पताल विराटनगरमा पीडितको स्वास्थ्य परीक्षण गरिएको छ।
तोलांगी नेपाली कांग्रेसको तर्फबाट दलित कोटामार्फत बेलबारी नगर कार्यपालिका सदस्यमा नियुक्त भएका हुन्।