राष्ट्रिय प्रजातान्त्रिक महिला संगठनले महँगीविरुद्ध प्रदर्शन गरेको छ ।

बुधवार राजधानीमा राष्ट्रिय प्रजातन्त्र पार्टी (राप्रपा) निकट भातृसंगठन प्रजातान्त्रिक महिला संगठन ले थाल ठटाएर महँगीविरुद्ध प्रदर्शन गरेको हो ।

महिला संगठनका कार्यकर्ताले राजधानीको भृकुटीमण्डपदेखि भद्रकालीसम्म थाल ठटाएर प्रदर्शन गरेका थिए ।

उनीहरुले पछिल्लो समयमा सर्वसाधारण जनता महँगीका कारण मारमा परेको भन्दै उक्त समस्याको तत्काल सम्बोधन गर्न सरकारसँग माग गरेका छन् । आज देशैभर राप्रपा समर्थित महिला संगठनले विरोध प्रदर्शन गरिरहेको बताइएको छ ।

सभालाइ संगठनका केन्द्रिय नेतृहरूले सम्बोधन गरेका थिए । प्रदर्शनमा बढ्दो मंहङ्गीका साथै महिला हिस्सा, विवादित नागरिकता विधेयकको समेत बिरोध गरिएको छ ।

तस्विरहरू