तेस्रो जया मल्टिपल ३ × ३ बास्केटबल प्रतियोगितामा छात्रा तर्फ लिम्पिया नेशनल कलेज विजयी भएको छ ।
मंगलबार जया मल्टिपल कलेजमा सम्पन्न फाइनलमा लिम्पिया नेशनल कलेजले बल्लर्स एकेडेमीलाई पराजित गरेर प्रथम स्थान जित्न सफल भएको लिम्पिया नेशनल कलेजका अतिरिक्त क्रियाकलाप संयोजक (ECA Coordinator )राजकुमार दंगालले बताए ।
छात्रा तर्फ लिम्पियाका समिरा घिसिङले उत्कृष्ट प्रदर्शन गर्दै सबैभन्दा उत्कृष्ट खेलाडीको उपाधि हासिल गरेको थिइन् ।
उक्त बास्केटबल प्रतियोगितामा पुरुष तर्फ भने कीर्तिपुर एकेडेमीले रित एकेडेमीलाई पराजित गरेर प्रथम स्थान हासिल गरेको हो ।
छात्र तर्फ भने कीर्तिपुर एकेडेमीका निरञ्जन शाही सबैभन्दा उत्कृष्ट खेलाडी घोषित भएका हुन् ।
उक्त्त प्रतियोगितामा छात्र तर्फ ३८ वटा र छात्रा तर्फ १८ वटा टिमको सहभागिता रहेको थियो ।
गोकर्णश्वर नगरपालिका प्रमुख दीपक रिसालको प्रमुख आतिथ्यमा सम्पन्न भएको उक्त प्रतियोगितामा नेपाल लागि एक मात्र अन्तर्राष्ट्रिय बास्केटबल संघ फिबाका म्याच कमिसनर दुर्गा बहादुर थापा एवं गोकर्णश्वर नगरपालिका वडा नम्बर ८ का वडा अध्यक्ष नन्दलाल श्रेष्ठको विशेष आतिथ्य रहेको थियो भने कार्यक्रमको अध्यक्षता जया मल्टिपल कलेजका प्रधानाध्यापक भवानी प्रसाद पौडेलले गरेका थिए ।
