सर्लाहीबाट मोटरसाइकल चढेर काठमाडौं आउँदा गरेका दुई युवाको साथबाट नक्कली नोट बरामद भएको छ । दक्षिणकालीको फर्पिङ चेकपोइन्टमा चेकजाँच गर्ने क्रममा एक हजार दरका २७ थान नक्कली नोट बरामद भएको प्रहरीले जनाएको छ ।

पक्राउ पर्नेमा सर्लाही बसबरीया गा.पा-३ बंगलवा बस्ने वर्ष २६ को चालक प्रमोद ठाकुर र सोही स्थानका २५ को गंगा कुमार यादव छन् । उनीहरू ना३४प ५५७० नं. को १५० सि.सि. पल्सर मोटरसाइकलमा आएका थिए । उनीहरूलाई असार १७ गते प्रहरीले पक्राउ गरेको हो ।

घटनामा संलग्नहरूमाथि मुद्रा सम्बन्धी कसूरमा अदालतबाट सातको म्याद थप गरी प्रहरी बृत्त कीर्तिपुरबाट थप अनुसन्धान भई रहेको छ ।