भायानेट कम्युनिकेसन प्रा. लि. ले पैसाको अभावमा इन्टरनेट जडान गर्न असमर्थ भएका गरिव परिवारका छोराछोरीहरू शिक्षाबाट बञ्चित नहुन भन्नका लागि इन्टरनेट जडान गरेको छ ।
कोभिडको महामारीका कारण भएको लकडाउनको समयमा पैसाको अभावले इन्टरनेट जोड्न नसकी शैक्षिक अवसरहरूबाट वञ्चित भएका विद्यार्थीहरूलाई मद्दत गर्ने उद्देश्यले गुड विथ इन्टरनेट सुरु गरिएको थियो।
कम्पनीले आफ्नो कर्पोरेट सामाजिक दायित्व अन्तर्गतको अभियान यो वर्ष पनि जारी राखेको हो ।
काभ्रेबाट आफ्ना छोराछोरीलाई पढाउन काठमाडौं आएकी प्रतिभा दिदीले महामारीका कारण अनलाइन गएको समयमा आफ्नो छोरालाई पढाउन नसकेको कुरा ह्युमन्स अफ काठमाडौंले आफ्नो सामाजिक संजाल मार्फत लेखेको थियो। उक्त कुरा थाहा पाएपछि भायानेटले प्रतिभा दिदीको परिवारलाई इन्टरनेट दिएर सहयोग गरेको थियो।
यसरी इन्टरनेट र पठन-पाठनबाट वञ्चित एउटा परिवारलाई गरिएको सहयोग नै गुड विथ इन्टरनेट नामक कर्पोरेट सामाजिक उत्तरदायित्व अभियानमा परिणत भएको हो ।
जसले पैसाकै अभावका कारण इन्टरनेट र पठन-पाठन बाट वञ्चित परिवार र उनीहरूका बालबालिकाको शिक्षालाई इन्टरनेट दिएर सहयोग गर्दछ। आजभोलि इन्टरनेट कनेक्टिभिटी अझ व्यापक र सर्व-सुलभबन्दै गइरहेको छ। यद्यपि अझै पनि धेरै बालबालिकाहरू इन्टरनेटकै अभावमा गुणस्तरीय शैक्षिक अवसरहरूबाट वञ्चित छन्।
त्यसैले यो अभियानको दोस्रो वर्षमा चक्रपथको सडकमा फिटकिरी बोझो लगायतका जडिबुटी बेचेर आफ्ना चार छोराछोरी पढाउन खोजिरहेकी डल्ली दिदी, कपनमा पानीपुरी बेची आफ्नो छोरा र छोरी पढाइरहेकी अमला दिदी लगायतका १५ विभिन्न परिवारलाई कम्पनीले निशुल्क इन्टरनेट जडान गरेको हो ।
तपाईंको गाउँ-समाजमा पनि पैसाकै अभावका कारण कोही इन्टरनेट र पठन-पाठन बाट वञ्चित छन् भने कार्यक्रम साझेदार @Human’sofKathmandu मार्फत भायानेटमा सम्पर्क गर्न सकिन्छ ।