राष्ट्रिय युवा संघ नेपालले इम्ब्रोस्ड नम्बर प्लेटको विरोधमा प्रदर्शन गरेको छ ।
युवा संघको कार्यालय बिजुलीबजारबाट सुरु भएको विरोध प्रदर्शनको क्रममा सरकारी नम्बर प्लेटका सवारीसाधनहरुमा अवरोध समेत गरिएको थियो ।
प्रदर्शनकारीले “जनताको ढाड सेक्न पाइँदैन, महंगो प्लेट चाहिँदैन !”, “कालोसूचीवाला ठेकेदार नेपाली लिपी मास्ने मतियार !”, “ठेकेदारलाई दुई वर्ष थप, जनतालाई एक महिनाको अल्टिमेटम”, “खबरदार राष्ट्रघाटी गोठाला हो, इम्बोस्ड प्लेट घोटाला हो”, “अर्थतन्त्र छ चौपट, परमादेशी सरकार कमिसनमै लटपट” लगायतका नारा लेखेका प्लेकार्ड बोकेका थिए ।
प्रदर्शनकारीले सडक बन्द गर्न खोज्दा सुरक्षाकर्मीसँग धकेलाधकेल समेत भएको थियो । भोलि इम्बोस्ड प्लेटमा भएको भ्रस्टाचार बारे युवा संघले अख्तियारमा निबेदन दिने जनाएको छ ।
यसैबीच यातायात व्यवस्था विभागले इम्बोस्ड प्लेटको बारेमा पाँच पृष्ठको विज्ञप्ती निकाल्दै यसलाई थप प्रष्ट पारेको छ । एक कदम पछि हट्दै भौतिक पूर्वाधार मन्त्रालय अन्तरगतको यातायात व्यवस्था विभागले ०७८ मंसिर १ बाट दर्ता भएका सवारीसाधनमा मात्रै इम्बोस्ड नम्बर प्लेट अनिवार्य रहेको जनाएको छ।
भिडिओ