नेपाल प्रहरीका पाँच जना प्रहरी नायब महानिरीक्षक (डीआईजी) हरू प्रहरी अतिरिक्त महानिरीक्षक (एआईजी) मा बढुवा भएका छन् ।
गृह मन्त्रालयको बढुवा समितिको बैठकले सिफारिस गरेका पाँच डीआईजीहरुलाई एआईजीमा बढुवा गर्ने निर्णय सोमबार बसेको मन्त्रिपरिषद् बैठकले गरेको हो ।
डीआईजी बढुवा हुँदा उत्तम सुवेदी पहिलो नम्बरमा, अरुणकुमार बीसी दोस्रो र दिवेश लोहनी तेस्रो स्थानमा छन् भने मुकुन्दराज आचार्य र पूजा सिंह क्रमस चौथौ र पाँचौ स्थानमा रहेका छन् ।
यसैबीच नेपाल प्रहरीमा पहिलोपटक जनपद समूहतर्फको एआईजीमा महिला नियुक्त भएकी छन् । सिंह नेपाल प्रहरीको इतिहासमा जनपदतर्फ पहिलो एआईजी भएकी हुन् ।
नेपाल प्रहरीमा ११ वटा दर्जा भएकोमा एआईजी १० औं दर्जा हो । यसपछि प्रहरी महानिरीक्षक (आईजी) ११ औं दर्जामा हुन्छ । राष्ट्रभर एकजना मात्र आईजी रहने व्यवस्था छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
