एक नाबालिंग गायिका बलात्कार गरेको अभियोगमा तनहुँ जिल्लामा बन्दी जीवन बिताइरहेका अभिनेता पूर्णविक्रम शाह उर्फ पल शाहको समर्थनमा आज माइतीघरमा प्रदर्शन गरिएको छ ।
उनी तनहुँ जिल्ला अदालतले पुर्पक्षको लागि थुनामा राख्न दिएको आदेशविरुद्ध उच्च अदालत पोखरा पुगेका थिए । उच्च अदालतले अन्तिम आदेश दिएको भोलिपल्ट काठमाडौंमा प्रदर्शन गरिएको हो ।
मुलुकी फौजदारी कार्यविधि संहिता २०७४ को दफा ७३ अनुसार जिल्लाको आदेश बदर गराउने माग गर्दै उच्च अदालतमा “धरौटी वा सामान्य तारेखमा राखेर मुद्दा पुर्पक्ष गराइ पाउन” निवेदन हाल्न सकिन्छ ।
तात्कालिन सभामुख कृष्णबहादुर महराले पनि जिल्ला अदालत काठमाडौंको पुर्पक्षको लागि थुनामा बस्ने आदेशको विरुद्ध उच्च अदालत पाटन पुगेका थिए ।
हाम्रो टिम नेपालले गरेको प्रदर्शनमा सहभागिहरूले “पुरुष हिंसा अन्त्य गर”, “निष्पक्ष न्यायपालिका हाम्रो चाहना”, “पुरुष अधिकार सुनिश्चित गर”, “महिला अधिकारको दुरुपयोग नगर”, “पल शाहलाई न्याय दे”, “न्यायलयको भ्रष्टचार बन्द गर”, आरोप लगाउँदैमा दोषी भन्ने प्रथा बन्द गर लगायतका नारा लेखेका प्लेकार्ड बोकेका थिए ।
उच्च अदालतको बिहीबारको निर्णय अनुसार शाहले अब थुनामै बसेर मुद्दा लड्नुपर्ने हुन्छ । तनहुँ जिल्ला अदालतको चैत १० को आदेशले शाहलाई पुर्पक्षका लागि जेल चलान गरेको थियो ।
उच्च अदालतका न्यायाधीशद्वय उज्वल शुक्ल र श्रीधराकुमारी पुडासैनीको संयुक्त इजलासले शाहलाई पुर्पक्षका लाथि थुनामा पठाउने तनहुँ अदालतकै फैसला सदर गरेको हो ।
यसको अर्थ अब पल शाह जिल्ला अदालत तनहुँ र नवलपुर अदालतले यो मुद्दामा फैसला नगरेसम्म बन्दी भएर बस्नुपर्ने हुन्छ ।
सामान्यता कोही व्यक्ति विदेश भाग्ने अवस्था भएमा वा गम्भिर प्रकृतिका मुद्दाहरू भएमा उनीहरूलाई पुर्पक्षको लागि थुनामा राख्ने चलन भएतापनि बलात्कारका घटनाका अभियुक्तहरूलाई पनि पछिल्लो समय थुनामा राख्न थालिएको हो ।
पीडितहरूका अगाडि पीडक खुलेआम हिँड्दा पीडितहरूले न्यान नपाएको अनुभव गर्ने, धरौटी वा सामान्य तारेखमा रिहा गर्दा अन्य व्यक्तिहरू पनि पीडक बन्ने सक्ने खतरालाई मध्यनजर गर्दै बलात्कार अभियुक्तहरूलाई पनि पुर्पक्षको लागि थुनामा राख्ने आदेश दिइन थालेको कतिपयको बुझाई छ ।
थप तस्बिरहरू