काठमाडौं महानगरपालिकाको मेयरमा निर्वाचित भएका वालेन्द्र साह (बालेन) ले राष्ट्रिय सभागृहमा पद तथा गोपनीयताको सपथ ग्रहण गरिरहेका छन् ।
उनीसहित निर्वाचित सबै जनप्रतिनिधिलाई काठमाडौंका मुख्य निर्वाचन अधिकृतले सपथ ग्रहण गराएका हुन् । सपथ ग्रहण समारोहमा शाह औपचारिक पोशाकमा देखिएका छन् । उनले दौरासुरुवालमा कालो टोपी र चश्मा लगाएका छन् ।
मतगणना सकिएलगत्तै लगातार सार्वजनिक बिदा परेकाले ढिलोगरी शपथग्रहण भएको हो ।
उपमेयर सुनिता र श्रीमती सविताको बीचमा बालेन बसेका देखिन्छन् । सुनिता पनि ढाकाको चोलो र सारीसहितको औपचारिक पोशाकमा सजिएकी छन् ।