काठमाडौंका महानगरपालिकाका नवनिर्वाचित मेयर वालेन्द्र साहले काठमाडौंको फोहोर ब्यवस्थापन हुँदै आएको नुवाकोटको बन्चरेडाँडाको अवलकोन गरेका छन् ।
विजय जुलुस सकेर उनी बन्चरेडाँडामा पुगेका हुन् । उनीहरूको भाषामा यो विजयी जुलुस नभएर धन्यवाद र्याली थियो ।
काठमाडौंको फोहोर व्यवस्थापन ठूलो मुद्दा बन्दै आएको छ । चुनावका बीचमा बन्चरेडाँडाका स्थानीयले अवरोध गरेपछि काठमाडौंको फोहोर उठ्न सकेको थिएन । प्रहरी लगाएर केही दिन अगाडि फोहोर बन्चरेडाँडा पुर्याइएको थियो ।
मेयर शाहले फोहोर व्यवस्थापन बारे स्थानीयका समस्याबारे बुझ्न बन्चरेडाँडा पुगेका हुन् ।
१३ वर्षदेखि नुवाकोटको सिसडोलमा उपत्यकाकाका १८ स्थानीय तहको फोहर विसर्जन गरिँदै आएको छ । अव्यवस्थितरूपमा लामो समयदेखि एकै स्थानमा फोहर विसर्जन गर्दा समस्या आएपछि स्थानीयवासीले व्यवस्थितरूपमा फोहर व्यवस्थापनस्थलको खोजी गर्न आग्रह गर्दै विरोध गर्दै आएका छन् ।
उपत्यकाबाट दैनिक करिब एक हजार मेट्रिक टन फोहर निस्कन्छ । जसमा सबैभन्दा बढी कामपाबाट करिब ६०० मेट्रिक टन फोहर निस्कने गरेको छ । काठमाडौँ उपत्यकाबाट दैनिक उत्सर्जन हुने फोहरमध्ये करिब ७५ प्रतिशत सिसडोलमा व्यवस्थापन गरिँदै आएको छ ।
हरेक दिन उपत्यकाबाट निजी र कामपाका गरी २०० गाडी फोहर लगिने गरिएको छ ।
