काठमाडौं महानगरपालिकाका नवनिर्वाचित जनप्रतिनिधिले सोमबार सपथ लिने भएका छन् ।
शनिबार र आइतबार बिदा भएकाले सोमबार सपथ ग्रहण गर्ने भएका हुन् । काठमाडौं महानगरको अन्तिम मतपरिणाम बिहीबार राति सार्वजनिक भएको थियो । मेयरमा वालेन्द्र साह र उपमेयरमा सुनिता डंगोल निर्वाचित भएका छन् ।
लौरो चुनाव चिह्नका साहले ६१ हजार ७६७ मत ल्याएर विजयी हुँदा नेपाली कांग्रेसकी सिर्जना सिंहले ३८ हजार ३४१ र नेकपा एमालेका केशव स्थापितले ३८ हजार ११७ मत पाए ।
उपमेयरमा सुनिताले ६८ हजार ६१२ मत ल्याएर विजयी हुँदा नेकपा एकीकृत समाजवादीका रामेश्वर श्रेष्ठले २३ हजार ८०६ मत पाए ।
नवनिर्वाचित मेयर र उपमेयरमा सपथ ग्रहणपछि औपचारिक रुपमा पदभार ग्रहण गर्ने छन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
