झापामा सुन्दरी प्रतियोगिता जिताउने प्रलोभन देखाएर किशोरीमाथि यौन दुर्व्यवहार गरेको आरोपमा ‘मिस्टर एन्ड मिस कलेज २०२२’ को आयोजक संस्था शंकर आर्ट्स फाउन्डेसनका निर्देशक लालबहादुर शंकर पक्राउ परेका छन् । इलाका प्रहरी कार्यालय दमकले उनलाई पक्राउ गरेको हो ।
दमक घर भएकी १७ वर्षीया किशोरीको उजुरी पछि प्रहरीले शंकरलाई पक्राउ गरेको हो । उनले फेसबुक म्यासेन्जर तथा ह्वाट्स एपमार्फत आफूसँग नजिक भएमा प्रतियोगिता जिताइदिने भन्दै यौन दुर्व्यवहार गरेको किशोरीको आरोप छ ।
सौन्दर्य प्रतियोगितामा जिताइदिने भन्दै आयोजकले ‘यौन हिंसा’ गरेको जाहेरी प्रहरीमा पुग्यो
जिल्ला अदालत झापाबाट ७ दिनको म्याद थप गरी बाल यौन दुरूपयोग कसुरमा शंकरमाथि अनुसन्धान थालिएको इलाका प्रहरी कार्यालय दमकका प्रहरी नायब उपरीक्षक दिलिपकुमार गिरीले बताए ।