नाबालिक गायिका बलात्कार आरोपमा पुर्पक्षमा रहेका कलाकार पल शाह (पूर्णविक्रम)लाई धरौटीमा छाड्ने बारेको मुद्दामा आज सुनुवाइ हुँदैछ।
तनहुँ जिल्ला अदालत र नवलपरासी जिल्ला अदालतको आदेशले बलात्कार मुद्दामा पुर्पक्षमा रहेका शाहले धरौटीमा रिहा हुन पाउँ भन्दै रिट निवेदन दिएका थिए।
कलाकार शाहले धरौटीमा रिहा हुन पाउँ भन्दै दिएको रिट निवेदनमा आज (बिहीबार) उच्च अदालत पोखरामा सुनुवाइ हुँदैछ।आज शाहको पक्षमा फैसला आएमा उनी रिहा हुनेछन।
नाबालिक गायिकालाई बलात्कार गरेको आरोपमा उजुरी परेपछि शाह प्रहरी हिरासतमा पुगेका थिए। त्यसपछि उनलाई अदालतले पुर्पक्षका लागि कारागार पठाएको थियो।
पीडित भनिएकी बालिका उनका अभिभावकले बलात्कार नभएको भन्दै अदालतमा बयान फेरेपछि उक्त घटनाले नयाँ मोड लिएको थियो।