नेपाल कम्युनिष्ट पार्टी (एकीकृत समाजबादी) बाट २० जना स्थानीय तह प्रमुख पदमा विजयी भएका छन् ।
एक महानगर, एक उपमहानगर १२ नगरपालिका प्रमुख र आठ गाउँपालिका प्रमुख गरी २० वटा स्थानीय तहको प्रमुखमा एकीकृत समाजबादीले आफ्ना उम्मेदवार विजयी गराउन सफल भएको छ ।
२० जनामध्ये कर्णाली प्रदेशको डोल्पा जिल्लाको काईके गाउँपालिका र छार्का ताङसोङ गाउँपालिकामा चुनाव अगाडी नै निर्विरोध चयन भएका हुन् भने बाँकी चुनावी प्रतिस्पर्धाबाट विजयी भएका हुन् ।
यो पार्टीबाट प्रमुख पदमा निर्वाचित (निर्विरोध समेत) मध्येमा १९ जना पुरुष हुन् भनेर हेटौडा उपमहानगर प्रमुख मीना कुमारी लामा एकमात्र महिला हुन् । लामाबाहेक प्रमुख पदमा अन्य महिलाहरू नेकपा एसबाट निर्वाचित हुन सकेनन् ।
प्रदेशगत हेर्ने हो भने प्रदेश १ बाट दुई जना, मधेश प्रदेशबाट छ जना बागमती प्रदेशबाट ५ जना, गण्डकी प्रदेशबाट १ जना, कर्णाली प्रदेशबाट ४ जना र सुदूरपश्चिम प्रदेशबाट २ जना निर्वाचित हुँदा लुम्बिनी प्रदेशबाट एकजना पनि निर्वाचित हुन सकेनन् ।
प्रमुख पदमा निर्वाचितहरूको विस्तृत विवरण