नेपाल कम्युनिस्ट पार्टी (एमाले) ले स्थानीय तह निर्वाचनबाट २०५ स्थानीय तहको प्रमुखमा जित हासिल गरेको छ ।
एमालेले एक निर्विरोधसहित १२३ गाउँपालिका अध्यक्ष र तीन उपमहानगरसहित ८२ वटा पालिकाहरूमा आफ्ना उम्मेदवारहरू विजयी गराउन सफल भएको हो । तीमध्ये १० वटा स्थानीय तहको प्रमुखमा महिला उम्मेदवारहरू विजयी भएका छन् ।
झापाको विर्तामोड नगरपालिका, मोरङ्गको कानेपोखरी गाउँपालिका, सर्लाहीको बरहथवा नगरपालिका, रौतहटको मौलापुर नगरपालिका, सिन्धुलीको फिक्कल गाउँपालिका, चितवनको माडी नगरपालिका, पर्वतको मोदी गाउँपालिका, पाल्पाको बगनासकाली गाउँपालिका, नवलपरासी (बर्दघाट सुस्ता पश्चिम) को सुनवल नगरपालिका र सुर्खेतको बीरेन्द्रनगर नगरपालिकाको प्रमुख पदमा एमालेबाट महिला उम्मेदवारहरू प्रमुख पदमा निर्वाचित भएका हुन् ।
प्रदेशगत हेर्नेहो भने प्रदेश १ मा दुई महिलासहित ४७, मधेश प्रदेशमा २ महिलासहित ३०, बागम्ती प्रदेशमा २ महिलासहित २६, गण्डकीमा १ महिलासहित ३५, लुम्बिनीमा दुई महिलासहित २७, कर्णालीमा एक महिलासहित १५ र सुदूरश्चिममा २५ स्थानीय तहको प्रमुख पद एमालेले जितेको हो ।
प्रदेश १ मा १३७ स्थानीय तहमध्ये एमालेले ३४.३१ प्रतिशत मधेश प्रदेशमा २२.०६, बागमतीमा २१.८५, गण्डकीमा ४१.१८, लुम्बिनी प्रदेशमा २४.७७, कर्णालीमा १८.९९ र सुदूरपश्चिमा २८.७४ प्रतिशत पालिकाको प्रमुख पदमा एमालेका उम्मेदवार विजयी भएका छन् । सुदूरपश्चिमा ८८ स्थानीय तह भएको भएतापनि एक स्थानीय तहको निर्वाचन हुन बाँकी रहेकाले ८७ स्थानीय तहलाई नै १०० प्रतिशत मानेर हिसाव गरिएको हो ।
एमालेबाट निर्वाचित भएकाहरूको सूची
