स्थानीय तह निर्वाचनअन्तर्गत सुनसरीको इटहरी उपमहानगरपालिका प्रमुखमा नेपाली कांग्रेसका हेमकर्ण पौडेल निर्वाचित भएका छन्।
सत्तारूढ गठबन्धनतर्फ कांग्रेसका पौडेल साझा उम्मेदवार बनेका थिए उनले ३३०४९ मत ल्याई विजयी भएका छन् । पौडेलले निकटतम प्रतिद्वन्द्वी नेपाल कम्युनिष्ट पार्टी (एमाले) उम्मेदवार यामकुमार चुङ्गवाङ सुब्बालाई पाँच हजार १८ मतान्तरले पराजित गरेका हुन् । पराजित यामकुमार चुङ्गवाङ सुब्बाले २८०३१ मत ल्याएका छन् ।
यस्तै, यस्तै उपप्रमुखमा नेपाल कम्युनिष्ट पार्टी (एमाले)की उम्मेदवार संगीताकुमारी चौधरी ३२४३६ मत सहित विजयी भएकी छन् । उनका निकटतम प्रतिद्वन्द्वी नेपाल कम्युनिष्ट पार्टी (एकिकृत समाजवादी)का उम्मेदवार केशवकुमार विष्टले १८,०३१ मत ल्याएका छन् ।
यसअगाडि सो उपमहानगरमा एमालेका द्वारिकालाल चौधरी प्रमुख थिए ।