विराटनगर महानगरमा निर्वाचित भएका प्रमुख र उपप्रमुखलाई प्रमाणपत्र हस्तान्तरण गरिएको छ ।
विराटनगर महानगरपालिकाको प्रमुख पदमा विजयी भएका नेपाली कांग्रेसका उम्मेदवार नागेश कोइराला र उपप्रमुख शिल्पा कार्कीलाई शनिवार विराटनगरमा मुख्य निर्वाचन अधिकृत भरत लम्सालले विजयी प्रमाणपत्र प्रदान गरेका हुन् ।
कोइरालाले ३०१७० मत ल्याएर निर्वाचित हुँदा निकटतम् प्रतिस्पर्धी नेकपा एमालेका सागर कुमाले थापाले २१४५५ मत ल्याए । उनी आठ हजार ७१५ मतान्तरले विजयी भएका हुन् ।
त्यस्तै उपप्रमुखमा नेकपा एमालेकी शिल्पा कार्कीले गठबन्धनबाट जनता समाजवादी पार्टी, नेपालका अमरेन्द्र यादवलाई ११ हजार ४६१ मतको अन्तरले पराजित गरेकी हुन् । कार्कीले २५६८० मत पाउँदा निकतम प्रतिस्पर्धी जसपाका यादवले जम्मा १४२१९ मत पाए ।