यतिबेला सामाजिक सञ्जालमा एउटा विषयले निकै चर्चा पाइरहेको छ । नपाओस् पनि किन, बलात्कारको घटना छ । त्यसमा पनि सन् २००२ कि मिस नेपाल विजेता माल्भिका सुब्बासम्मलाई जोडिएको छ ।
बुधबार टिकटक एकाउटबाट एक युवतीले आफु बलात्कारको सिकार भएको जानकारी दिइन् । २/२ मिनेटका २० वटा भिडियोमा उनले कहिले ? कसरी ? बलात्कृत भइन् त्योबारे जानकारी दिएकी थिइन् ।
आफू बलात्कृत भएकोबारे उनले सन् २००२ कि मिस नेपाल माल्भिका सुब्बालाई समेत जानकारी दिएकी थिइन् । तर, उनले उल्टै भनिदिएछन्, ‘ग्ल्यामसर क्षेत्रमा यो त नर्मल हो ।’
२०७१ सालमा आयोजना गरिएको मिस ग्लोबल नामक ब्यूटी प्याजेन्टका क्रममा ति युवतीमाथि बलात्कार भएको थियो ।
नेपालको कानुनअनुसार नाबालिग बलात्कारको मुद्दा बढीमा १ वर्षभित्रमा दर्ता गरिसक्नुपर्छ । मुलुकी अपराध संहिताको दफा २२९ को उपदफा २ अनुसार कसुर भएको मितिले १ वर्षनाघेपछि उजुरी लाग्नेछैन भनेर स्पष्ट उल्लेख गरिएको छ ।
अहिले त्यही हदम्यादको विषयलाई लिएर सडकदेखि संसदसम्म कुरा उठेको छ । संसदमा नेपाली कांग्रेसका सासंद गगनकुमार थापाले यस विषयमा सभामुखको ध्यानाकर्षण गराएका छन् ।
यही विषयलाई लिएर सडक तातेको छ । केहीदिन अघि बालुवाटार अगाडि प्रदर्शन गरिएकोमा आज माइतीघर मण्डलामा प्रदर्शन गरिएको हो ।
वालुटारमा भएको प्रदर्शनमा मुलधार मिडियाका सम्पादकहरूको समेत उपस्थिति रहेको थियो । पूर्व मिस नेपाल माल्भिक सुव्वा समेत जोडिएको हुनाले यो अलिक बढी चर्चामा छ ।
प्रदर्शनका तस्बिरहरू