कांग्रेस महामन्त्री एवं सांसद गगन थापाले प्रतिनिधित्व गर्ने निर्वाचन क्षेत्रकै वडामै कांग्रेसले पराजय बेहोरेको छ ।
थापाको काठमाडौं क्षेत्र नम्बर ४ मा काठमाडौं महानगरपालिका र बुढानिलकण्ठ नगपालिकाका गरी १२ वटा वडा पर्छन् । यी १२ वटा वडाका कुनै पनि वडाध्यक्ष कांग्रेसले जित्न सकेन ।
बुढानिलकण्ठको मेयर र उपमेयर दुवै एमालेले जित्दा यो नगरपालिकाका १, २, ८, ९, १०, ११, १२ र १३ मा कांग्रेस वडाध्यक्षमा नील हुनपुग्यो ।
यी सबै वडामा अध्यक्ष एमालेले आफ्नो पक्षमा पार्यो । वडा १ मा कांग्रेस दोब्बर मतले पराजित भयो । केही वडाबाहेक सबैमा भारी मतले कांग्रेस पराजित हुन पुगेको छ । संघीय निर्वाचन अघिको स्थानीय तहको निर्वाचनमा थापालाई अनपेक्षित परिणाम आइलागेको हो ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
