नेपाली कांग्रेसका नेता अर्जुननरसिंह केसीको गृह नगर विदुर नगरपालिका-४ मा नेकपा एमालेको प्यानल नै विजयी भएको छ ।
उक्त वडामा नेकपा एमालेका उम्मेदवार निलम बाबु ढुंगेलको प्यानल नै विजयी भएको हो ।
वडा अध्यक्षमा निलमबाबु ढुंगेलसँगै सदस्यहरूमा छविलाल ओझा र शिवकुमार लामा, सुनिता कुमाल, राममाया मिजार विजयी भएका छन । विजयी सबै नेकपा एमालेका हुन ।
केन्द्रीय नेताहरूले मतदान गरेका वडाहरूमा सोही पार्टीका उम्मेदवारहरू पराजित हुँदै आएका छन् । प्रधानमन्त्री समेत रहेका शेर बहादुर देउवाको वडामा नेपाली कांग्रेस पराजित भएको छ भने पूर्वप्रधानमन्त्री तथा एमाले अध्यक्ष केपी शर्मा ओलीले मतदान गरेको भक्तपुरको सूर्यविनायक-२ बालकोटमा पनि एमाले पराजित हुन पुगेको छ ।