मोरङको सुन्दरहरैँचा नगरपालिका–७ की ११३ वर्षीया महेश्वरा अधिकारीले मतदान गरेकी छन् । शुक्रबार बिहान स्थानीय पञ्चायत मावि केन्द्रबाट मतदान गरेकी हुन् ।
परिवारका सदस्यको सहयोगमा अटोरिक्सामा चढेर मतदान केन्द्रसम्म पुगेकी अधिकारीले नै केन्द्रमा पहिलो मत खसालेकी थिइन् । उनको मतपछि केन्द्रमा मतदान सुरु गरिएको थियो ।
मतदान गरेपछि उनले पञ्चायतकालदेखिका धेरै निर्वाचनमा भोट हालेको उल्लेख गर्दै मतदान गर्न पाउनु सौभाग्यको विषय भएको बताइन् ।