सामाजिक सञ्जाल इन्स्टाग्राममा २ मिलियन (२० लाख) फ्लोअर्स कमाउने पहिलो नेपाली सेलिब्रेटी बनेकी छिन् अदिती बुढाथोकी । यो समाचार तयार पार्दासम्म उनलाई फ्लो गर्नेहरूको सङ्ख्या २० लाख ५९ हजार ७४ पुगेको छ ।
केही वर्ष अगाडि अनमोल केसी स्टारर चलचित्र ‘कृ’ बाट अभिनेत्रीको रुपमा डेब्यू गरेकी अदिती बुढाथोकी नेपाली युवाहरूको रोजाइमा पर्छिन् ।
चलचित्रमा सफ्ट भूमिका देखिएकी अदिती सामाजिक सञ्चालमा भने हट एण्ड बोल्ड तस्विरहरू राख्न माहिर छिन् ।
झापा दमक घर भएकी नायिका वुढाथोकी सामाजिक सञ्जाल इन्स्टाग्राममा सबैभन्दा धेरै फलोअर्स कमाएकी नेपाली कलाकार बनेकी हुन् । बुढाथोकीलाई पछ्याउँदै छन् निम्स दाई भनेर चिनिने मिङ्मा ग्याल्जे शेर्पा । यो समाचार तयार पार्दा उनलाई इन्स्टाग्राममा फलो गर्नेको सङ्ख्या १९ लाख ६६ हजार भन्दा धेरै छ ।
तेस्रो नम्बरमा छिन् नायिका प्रियंका कार्की । कार्कीका १० लाख ९० हजार भन्दा बढी फ्लोअर्स छन् ।
लामो समयदेखि भारतमा बसेर बलिउड प्रवेशका लागि संघर्ष गरिरहेकी अदितीले विभिन्न ठाउँहरूमा घुमघाम गरेका तस्विरहरू फ्यानहरूको लागि पस्किरहेकी हुन्छिन् । कहिले बिकीनी त कहिले वानपिसमा देखिन्छिन् उनी ।
रोनाल्डो एक नम्बरमा
स्टार फुटबल खेलाडी क्रिस्टियानो रोनाल्डो सामाजिक सञ्जाल इन्स्टग्राममा चार सय मिलियन (४० करोड) फलोअर्स हुने पहिलो र एकमात्र व्यक्ति बनेका छन् ।
इन्स्टाग्राम फलोअर्समा रोनाल्डोलाई पछ्याइरहेकी केली जेनरको ३०८ मिलियन (३० करोड ८० लाख) फलोअर्स छन् ।
सर्वाधिक फलोअर्सको तेस्रो स्थानमा अर्जेन्टिनी कप्तान लियोनल मेस्सी छन् । मैदान र कीर्तिमानमा सधै चर्को प्रतिस्पर्धा हुने चिर प्रतिद्वन्द्वी मेस्सीको इन्स्टग्राममा ३०६ मिलियन (३० करोड ६ लाख) फलोअर्स छन् ।