नेपाली कांग्रेसका महामन्त्री विश्वप्रकाश शर्माले झापाको मेचीनगर नगरपालिकाको प्रमुख पदमा प्रदेश कमिटीले गरेको निर्णय उल्टाइदिएपछि उनको राजनीति नै संकट परेको छ ।
झापाको मेचीनगर महामन्त्री शर्माको निर्वाचन क्षेत्र हो । उक्त पालिकामा प्रदेश संसदीय समितिले जिल्ला उपसभापति केशवराज पाण्डेलाई दिएको टिकट खोस्न महामन्त्री सक्रिय भएपछि उनको राजनैतिक जिवन नै धरापमा परेका त्यहाँका स्थानीय नेताहरूले बताउन थालेका छन् ।
चैत १० गते प्रदेश समितिले पाण्डेलाई पालिका प्रमुख बनाउनु भनि सिफारिस गरेकोमा आज प्रधानमन्त्री शेर बहादुर देउवाको हस्ताक्षरसहित नेपाली कांग्रेसको आधिकारीक उम्मेदवार इन्द्रकुमार बुढाथोकी भन्ने परिपत्र जारी भएको थियो ।
नेपाली कांग्रेसको विधानमा पालिकाको प्रमुख र उपप्रमुखको सिफारिस सकेसम्म स्थानीय तहबाट नै टुङ्गो लगाउने, नभए क्षेत्र, जिल्ला हुँदै प्रदेशमा र प्रदेशले पनि टुङ्गो लगाउन नसकेको अवस्थामा केन्द्रले टुङ्गो लगाउने स्पष्ट रुपमा व्याख्या गरिएको छ । तर प्रदेशले टुङ्गो लगाइसकेको अवस्थामा केन्द्रले हस्तक्षेप गरेपछि शर्माको राजनीति धरापमा परेको हो ।
नेता कृष्णप्रसाद सिटौला निकट पाण्डेलाई प्रदेश संसदीय बोर्डले टिकट दिएपछि केन्द्रीय महामन्त्री विश्वप्रकाश शर्माको हस्तक्षेपमा बढाथोकीलाई उम्मेद्वार बनाइएको छ ।
आफूसँग जिल्ला सभापतिमा जितेका व्यक्तिले गरेको सिफारिसलाई शर्माले लत्याइदिएका हुन् । २०६८ सालमा कांग्रेस झापा जिल्ला सभापतिमा विश्वप्रकाश शर्मा उद्धव थापासँग पराजित भएका थिए । थापा अहिले प्रदेश सभापति छन् भने शर्मा १४ औं महाधिवेशबाट महामन्त्रीमा निर्वाचित भएका हुन् ।
प्रधानमन्त्री समेत रहेका नेपाली कांग्रेसका सभापति शेर बहादुर देउवाको हस्ताक्षर देखेपछि पाण्डेले मनोनयन दर्ता गरेनन् । पावरका भरमा टिकट दिएको भन्दै उनले गुनासो गरेका छन् । ‘पहुँच र पावरको भरमा टिकट दिनु गलत छ,’ सञ्चारकर्मीसँग पाण्डेले भने, ‘यस्तो दोहारो निर्णयले पार्टीलाई फाइदा गर्दैन ।’
शक्ति संर्घषको असरः प्रदेशको निर्णय उल्टाउँदै केन्द्रबाट दिइयो टिकट
झापामा वर्षौँदेखि कृष्णप्रसाद सिटौला र विश्वप्रकाश शर्माबीच चल्दै आएको शक्ति सङ्घर्षको...
सोमबार, वैशाख १२ २०७९शर्मा अघिल्लो आम चुनावमा झापा क्षेत्र नम्बर १ बाट राम कार्कीसँग पराजित भएका थिए । त्यसभन्दा अगाडि २०७० सालको दोस्रो संविधानसभाको निर्वाचनमा शर्मा एमालेका रविन कोइरालासँग पराजित भएका थिए । शर्माको यो कदमले एमालेको रविन कोइरालाई फाइदा पुगेको समेत चर्चा हुन थालेको छ ।
‘यो प्रकरणमा शर्मालाई प्रधानमन्त्री देउवाको साथ छ । तर शर्मालाई सँधै देउवाको साथ हुँदैन भन्ने कुरा १४ महाधिवेशनमै देखिएको हो नि ।’ झापामा अब विश्वप्रकाशलाई चुनाव जित्न गाह्रो छ । पाण्डे समूहले अहिले आफुमाथि गरेको हस्तक्षेपको बदला पछिल्ला निर्वाचनमा लिनेछन् ।’ केटिएम दैनिकको सम्पर्कमा आएका कांग्रेसका नेताले भने ।
स्मरणीय होस् नेपाली कांग्रेसको १४ औं महाधिवेशनमा देउवालाई सिटौला पक्षले सघाउने भएपछि शर्मा प्रकाशमान सिंहको प्यानलबाट चुनाव लडेका थिए । गत मंसिर २७ गते भएको नेपाली कांग्रेसको १४ औं महाधिवेशमा विश्वप्रकाश शर्मा १९८४ मत ल्याएर निर्वाचित भएका हुन् । महाधिवेशमा ४६८२ मत खसेकोमा ४३ मत बदर भएको थियो ।