सन् २०२२ को पहिलो चन्द्रग्रहण र सूर्यग्रहणबीच १५ दिनको मात्र अन्तर रहनेछ । पहिलो सूर्यग्रहण अप्रिल ३० को रातमा हुनेछ भने त्यसको ठीक १५ दिनपछि १६ मेमा पहिलो चन्द्रग्रहण लाग्नेछ ।
ग्रहणको वैज्ञानिक मात्रै नभई धार्मिक महत्व पनि रहेको छ । धार्मिक दृष्टिकोणले ग्रहणलाई अशुभ मानिन्छ । जसका कारण यो समयमा धेरै काम गर्न निषेध गरिएको छ । जान्नुहोस् वर्षको पहिलो सूर्यग्रहण र चन्द्र ग्रहण कुन राशिलाई शुभ हुनेछ ।
मेष: मेष राशिका लागि यी दुवै ग्रहण शुभ रहनेछ। कार्यस्थलमा तपाईको कामको उच्च प्रशंसा हुनेछ। यस अवधिमा आफ्नो प्रतिभा देखाउने प्रशस्त अवसर मिल्नेछ। हातमा लागेका काममा सफलता मिल्नेछ । विदेश जान चाहनेहरुको यो अवधिमा सपना पुरा हुनसक्छ ।
सिंह: ग्रहणको शुभ प्रभाव यस राशिका व्यक्तिहरूमा पनि रहनेछ। राम्रो काम मिल्ने सम्भावना छ । आकस्मिक आम्दानीमा वृद्धि हुनसक्छ । मालिक तपाईको कामबाट खुसी हुनेछन्। कामको सिलसिलामा वैदेशिक यात्रामा पनि जानुपर्ने हुनसक्छ । मिहिनेतको उचित फल प्राप्त हुनेछ। लेनदेनको काममा राम्रो सफलता मिल्नेछ ।
धनु: ग्रहणले तपाईमा पनि राम्रो प्रभाव पार्नेछ। जीवनको हरेक क्षेत्रमा सफलता मिल्नेछ। कार्यस्थलमा ठूलो उपलब्धि हात पार्न सकिनेछ। धन लाभको योग बनिरहेको छ । तपाईं एक भन्दा बढी माध्यम मार्फत पैसा प्राप्त गर्न सक्षम हुनुहुनेछ। यस अवधिमा तपाई प्रभावशाली व्यक्तिहरूसँग सम्पर्कमा आउन सक्नुहुन्छ।
