हिन्दू क्यालेन्डर अनुसार, हिन्दू नयाँ वर्ष चैत्र महिनाको शुक्ल पक्षको प्रतिपदा मितिबाट सुरु हुन्छ। यस दिनलाई गुढीपाडवा पनि भनिन्छ र चैत्र नवरात्रिको ९ दिने पर्व पनि यही दिनबाट सुरु हुन्छ । यी ९ दिनमा माता दुर्गाका ९ रूपको पूजा गरिन्छ ।
माता दुर्गा घोडामा सवार भएर आउने विश्वास
यस वर्ष चैत्र नवरात्रि २ अप्रिल २०२२, शनिबारबाट सुरु हुँदैछ, जुन ११ अप्रिल २०२२ सम्म चल्नेछ। यी ९ दिनमा माता दुर्गाको स्वरूपको विधिपूर्वक पूजा गर्नाले घरमा सुख–समृद्धि आउनेछ ।
यसपटक माता दुर्गा घोडामा सवार भएर आउँदैछिन् र भैंसीमा चढेर निस्किनेछन् । आमाको यी सवारीलाई शुभ मान्दैनन् । तर यसपटक ग्रहहरूको उल्टो परिवर्तनले यो नवरात्रलाई केही राशिका लागि विशेष बनाएको छ ।
यी राशिका लागि नवरात्रि निकै शुभ मानिन्छ
चैत्र नवरात्रिमा २ वटा महत्वपूर्ण ग्रह राशि परिवर्तन हुँदैछन् । ज्योतिषशास्त्रका अनुसार यी ९ दिनमा शनि र मंगल मकर राशिमा गोचर हुँदैछन् । यी दुई ग्रह एकअर्काका शत्रु भएकाले एउटै राशिमा भेट हुँदा धेरै अप्ठ्याराहरू आउनेछन्, कर्कट, कन्या र धनु राशिका लागि यो परिवर्तन शुभ नहोला र यस समयमा सावधानी अपनाउनुपर्छ ।
अर्कोतर्फ मेष, मकर र कुम्भ राशिका लागि यो निकै शुभ रहनेछ । यो समय उनीहरूलाई धेरै फाइदा हुनेछ। शुभ समाचार सुन्न पाइनेछ । पेशा–व्यवसायमा प्रगति हुनसक्छ ।
चैत्र नवरात्रि कलश स्थापनाको शुभ मुहूर्त
चैत्र नवरात्रिको घटस्थापनाको शुभ समय अप्रिल २, २०२२ शनिबार बिहान ०६:१० देखि बिहान ८:३१ सम्म हुनेछ। अर्थात् ०२ घण्टा २१ मिनेट मात्रै घाट स्थापनाको लागि उपलब्ध हुनेछ ।
