चार दिनयता नेपालमा कोरोना सङ्क्रमणबाट मृत्यु हुनेका सङ्ख्या शून्य रहेको छ । स्वास्थ्य मन्त्रालयद्वारा जारी तथ्यांकअनुसार शुक्रबार यता कोरोना सङ्क्रमणकै कारण कसैले पनि ज्यान गुमाउनु परेको छैन ।
मन्त्रालयका अनुसार पछिल्लो २४ घण्टामा नेपालमा थप ८३ जनामा कोरोना सङ्क्रमण पुष्टि भएको छ । सात हजार आठ सय ८४ नमुना परीक्षण गरिएकोमा जम्मा ८३ जनामा कोरोना पोजेटिभ देखिएको हो ।
यस अवधिका एक सय ३० जना कोरोनामुक्त पनि भएका छन् ।
नेपालमा हाल चार हजार सात सय ४६ जना कोरोनाका सक्रिय सङ्क्रमित रहेका छन् ।