अभिनेत्री साम्राज्ञी राज्यलक्ष्मी शाहले एक म्यागेजिन कभरको लागि बोल्ड फोटोसुट गरेकी छिन् ।
नायिकाले सामाजिक सञ्जालमार्फत केही तस्बिरहरू सार्वजनिक गरेकी छिन् । सार्वजनिक भएका तस्बिरहरूमा उनी निकै बोल्ड देखिएको फ्यानहरूले बताइरहेका छन् ।
ईसीएस मिडियाले प्रकाशन गर्ने लाइफस्टाइल म्यागेजिन “लिभिङ” को कभरपेजमा उनी टपलेस जस्तै देखिएकी छिन् । कोट मात्र लगाएकी साम्राज्ञीको तस्बिर उक्त मिडियाले सामाजिक सञ्जालमा शेयर गरेको छ ।
फोटोग्राफर पवन जोशीले पीजे स्टुडियोमा खिचेका तस्बिरहरूमा उनी बेग्लाबेग्लै ड्रेसअपमा देखिएकी छिन् ।
एक प्रयोगकर्ताले भने साम्राज्ञीले नायिका नम्रता श्रेष्ठको स्टाइल कपि गरेको समेत आरोप लगाएका छन् । हामीले नम्रता श्रेष्ठको यही स्टाइलको तस्बिरहरू भने भेटाउन सकेनौँ ।
आमा नेहा राज्यलक्ष्मी शाह र पिता महेश विक्रम शाहको कोखबाट वि.सं २०५२ साल मंसिर २ गते जन्मिएकी साम्राज्ञीले चलचित्र ‘ड्रिम्स’बाट नेपाली चलचित्र क्षेत्रमा पाइला राखेकी हुन् ।
पहिलो चलचित्रबाट नै सफलता हात पारेकी यी सुन्दरीले दोश्रो चलचित्र ‘ए मेरो हजुर २’ हिट भएपछि आफूलाई यो क्षेत्रमा बलियो रुपमा उभ्याएकी थिइन् ।
कामको कुरा गर्ने हो भने अहिले साम्राज्ञी अहिले ह्यारीकी प्यारी नामक फिल्मको छायांकनमा व्यस्त छिन् ।
जितु नेपालको मुख्य भूमिका रहेको यस चलचित्रमा विजय बराल पनि छन् । यो चलचित्रलाई कपिल रिजालले निर्देशन गरिरहेका छन् । उनी भोला रिजालका छोरा हुन् । चलचित्र ‘ह्यारी कि प्यारी’मा साम्राज्ञी र जितुको केमेस्ट्री हेर्न सकिन्छ । दर्शकका लागि यी दुईको केमेस्ट्री नयाँ हो ।
पर्वत जिल्लामा ५० प्रतिशत सुटिङ सकेर त्यो चलचित्रको निर्माण टिम अहिले काठमाडौँमा सुटिङ गरिरहेको छ ।