अघिल्लो वर्षको मंसिरसम्म वेव सफरका २९ हजार ६७१ ग्राहक थिए, एक वर्षपछि त्यो सङ्ख्या डेढ गुणाले बढेर अहिले ७४ हजार ४२ पुगेका छन् । ग्राहक सङ्ख्यामा अन्य इन्टरनेट सेवा प्रदायक (आइएसपी) को तुलनामा वेवसफरले छलाङ मारेको छ ।
एक वर्षको अवधिमा नेपालमा ५ लाख ५२ हजार ७६३ ग्राहक थप भएका छन् । कोरोना भाइरसको कारणले सरकारले गरेको लकडाउनले गर्दा वर्क फ्रम होम, अनलाइन क्लासहरू र टिकटक प्रतिको बढ्दो क्रेजले मानिसहरूले घरघरमा इन्टरनेट जडान गर्ने सङ्ख्या बढेको हो ।
पछिल्लो समयमा आइएसपीहरूले सस्तो प्याकेज ल्याउन थालेसँगै मोवाइल डाटा चलाउनेहरूले पनि घरमा इन्टरनेट जडान गर्न थालेपछि एकवर्षको अवधिमा ५ लाख ५२ हजार नयाँ ग्राहक थप भएका हुन् ।
यो समाचारमा हामीले नेपालमा सर्वाधिक ग्राहक सङ्ख्या भएका १० वटा आइएसपीहरूको दुई वर्षको ग्राहक सङ्ख्यालाई विश्लेषण गर्ने प्रयास गरेका छौं ।
वर्ल्ड लिंक
नेपालका लगभग सम्पूर्ण जिल्लाहरूमा आफ्नो सेवा विस्तार गरेको वर्ल्ड लिंक ग्राहक सङ्ख्याका आधारमा विगत केही वर्षदेखि नै शीर्ष स्थानमा रहेको छ । एक वर्षको अवधिमा यसले ३१ दशमलव ५७ प्रतिशतले आफ्ना ग्राहकहरू बढाएको देखिन्छ । नेपाल दूरसञ्चार प्राधिकरणले सार्वजनिक गर्ने प्रतिवेदनको आधारमा अघिल्लो वर्षको मंसिरसम्म यसका ग्राहक चार लाख २८ हजार ४८८ रहेकोमा यो वर्षको मंसिरसम्म ग्राहकको सङ्ख्या एक लाख ३५ हजार २८२ ले बढेर ५ लाख ६३ हजार ७७० पुगेको छ ।
नेपाल टेलिकम
सरकारी स्वामित्वको नेपाल टेलिकमले आफ्नो सेवा देशका ७७ वटै जिल्लामा विस्तार गरेको छ । एडिएसएल र फाइवरबाट इन्टरनेट सेवा दिइरहेको यस कम्पनीले मासिक औसतमा ३ हजार ४४४ जना ग्राहक बढाएको तथ्याङ्कले देखाउँछ । अघिल्लो वर्ष दुई लाख ६८ हजार १३० इन्टरनेट ग्राहक भएको टेलिकमले एक वर्षको अवधिमा ४१ हजार ३२५ ग्राहक बढाएर अहिले तीन लाख ९ हजार ४५५ पुर्याएको छ । जुन अघिल्लो वर्षको तुलनामा १५ दशमलव ४१ प्रतिशतको वृद्धि हो ।
सुविसु केवलनेट
ग्राहक सङ्ख्याको आधारमा १६ दशमलव ३९ प्रतिशत बजार हिस्सा ओगटेको सुविसु केवलनेटले एक वर्षको अवधिमा ४२ दशमलव २३ प्रतिशतले ग्राहकहरू वृद्धि गरेको छ ।एक वर्षको अवधिमा ७३ हजार ६१६ नयाँ ग्राहक बनाउन सफल भएको यस कम्पनीबाट २०७८ मंसिरसम्म २ लाख ४७ हजार ९३८ जनाले इन्टरनेट जडान गरेका छन् ।
क्लासिक टेक
शीर्ष दश कम्पनीहरूमा क्लासिक टेकले धेरै प्रतिशतले ग्राहक वृद्धि गर्नेको सूचीमा दोस्रो नम्बरमा पर्दछ । यस कम्पनीले एक वर्षको अवधिमा ५७ दशमलव ६२ प्रतिशतले ग्राहक सङ्ख्या बढाएको तथ्याङ्कले देखाउँछ । २०७७ मंसिरसम्म एक लाख २३ हजार ९६२ ग्राहक भएकोमा यो वर्ष ७१ हजार ४२६ जना थप भएर एक लाख ९५ हजार ३८८ पुगेका छन् । मासिक रुपमा हेर्नेहो भने यसले झण्डै ६ हजार ग्राहक थप गरेको देखिन्छ ।
भायानेट
नाम चलेका आइएसपीहरूको तुलनामा भायानेटले नयाँ ग्राहकहरूलाई आर्कर्षित गर्न नसकेको देखिन्छ । २२ जिल्लामा सेवा विस्तार गरिसकेको र अन्य १३ जिल्लामा सेवा विस्तारको क्रममा रहेको यस कम्पनीले एक वर्षको अवधिमा २५ प्रतिशतले ग्राहकहरू थप गरेको छ । अघिल्लो वर्ष एक लाख २६ हजार ६११ ग्राहक रहेकोमा यो वर्ष ३२ हजार ३९ ग्राहक थप भएर एक लाख ५८ हजार ६५० पुगेका छन् अर्थात मासिक रुपमा यस कम्पनीले २ हजार ६९३ नयाँ ग्राहकहरू थप गरेको पाइन्छ । अघिल्लो वर्ष ग्राहक सङ्ख्याका आधारमा शीर्ष चार नम्बरमा रहेको भायानेटलाई योपटक भने क्लासिक टेकले उछिनेको छ ।
वेव सफर
यस समाचारको सुरुमा उल्लेख गरेअनुसार नेपालमा एक वर्षको अवधिमा डेढ गुणाले ग्राहक थप गरेर यस आइएसपीले छलाङ नै मारेको छ । अघिल्लो वर्षसम्म २९ हजार ६७१ ग्राहक रहेकोमा १२ महिनाको अवधिमा ग्राहक सङ्ख्या ७४ हजार ४२ पुगेको छ । सङ्ख्यात्मक रुपमा थप भएका ग्राहकहरूको सङ्ख्या ४४ हजार ३७१ मात्र देखिएको भएतापनि यसरी नै आक्रामक रुपमा जाने हो भने यस कम्पनीले केही वर्षमा शीर्ष स्थानतर्फ आफ्नो नाम लेखाउन सफल हुने देखिन्छ ।
टेकमाइन्डस नेटवर्क
चितवनमा मुख्य कार्यालय राखेर सञ्चालनमा आएको यस कम्पनी ग्राहक सङ्ख्यामा आधारमा शीर्ष १० भित्र पर्ने उपत्यका बाहिरको पहिलो कम्पनी हो ।यस कम्पनीले आफ्नो वेवसाइटमा राखेको जानकारीअनुसार यो समाचार तयार पार्दासम्म यसले ३९ वटा जिल्लामा आफ्नो सेवा विस्तार गरिसकेको छ ।
अघिल्लो वर्षको तुलनामा २५ प्रतिशतले नयाँ ग्राहक जोड्न सफल भएको यस कम्पनीमा अघिल्लो वर्षको मंसिरसम्म ५५ हजार ८३१ ग्राहक रहेकोमा एक वर्षको अवधिमा १४ हजार ८२ ग्राहक थप भएर ६९ हजार ९१३ पुगेको छन् । मासिक रुपमा हेर्नेहो भने यस कम्पनीले १ हजार १७३ ग्राहक थप गरेको देखिन्छ ।
वर्ल्ड लिंकको बजार हिस्सा ३० प्रतिशत अन्यको कति ?
नेपालमा १८ लाख ८८ हजार ३६४ ग्राहकहरूले विभिन्न इन्टरनेट सेवा प्रदायक...
शनिवार, माघ २२ २०७८ब्रोडलिंक
पुरानो कम्पनी भएतापनि यसले अन्य आइएसपीहरूको तुलनामा ग्राहक सङ्ख्या बढाउन सकिरहेको छैन । वार्षिक रुपमा ३५ प्रतिशत ग्राहक थप भएको देखिएतापनि सङ्ख्यात्मक रुपमा धेरै छैन । २०७७ को मंसिरसम्म ३९ हजार ५४५ ग्राहकहरूको साथमा आफ्नो व्यापार गरिरहेको यस कम्पनीले एक वर्षको अवधिमा १३ हजार ८५० नयाँ ग्राहक थप गरेर ५३ हजार ३९५ पुर्याएको छ ।
कोनेक्ट नेपाल
सन् २०१६ देखि बिराटनगरबाट सञ्चालनमा आएको यस आइएसपीले २३ जिल्लामा आफ्नो सेवा विस्तार गरेको दावी गर्छ । सङ्ख्यात्मक रुपमा हेर्ने हो भने एक वर्षको अवधिमा यसले ४६० नयाँ ग्राहक मात्र बनाएको छ जुन वार्षिक साढे दुई प्रतिशतको वृद्धिदर हो । अघिल्लो वर्षको मंसिरसम्म १८ हजार ११० ग्राहक भएकोमा एक वर्षको अवधिमा ४६० ग्राहक मात्र थप गर्न यस कम्पनी सफल भएको छ ।
एरोनेट
सन् २००८ देखि नै सञ्चालमा आएको यस कम्पनीले १४ वर्षको अवधिमा जम्मा १६ हजार ग्राहक बनाएको छ । पछिल्लो समयमा भने यस कम्पनीले ग्राहक सङ्ख्यामा सुधार गरेको देखिन्छ । एक वर्षको तथ्याङ्क हेर्ने हो भने यसले ५ हजार ७४६ ग्राहक थप गरेको छ ।
काठमाडौंबाट सञ्चालनमा आएको यस कम्पनी खासै नाम नसुनिएको कम्पनी हो । १४ वर्षको अवधिमा मार्केटिङ र ब्राण्ड प्रमोशनमा खासै खर्च गरेको भने पाइँदैन ।
प्राविधिक क्षेत्रमा महिलाहरू बढ्दै, कुन कम्पनीलाई कति कर्मचारीले धानेका छन्
नेपालमा दुरसंचार/ इन्टरनेट जस्ता सेवा प्रदान गर्ने संस्थाहरूको प्राविधक क्षेत्रमा महिलाहरूको...
शनिवार, माघ ८ २०७८डिस मिडिया नेटवर्क
टेलिभिजनका लागि सेवा प्रदान गरिररहेको डिस होमले इन्टरनेट सेवा शुरु गरेसँगै यसले उल्लेख्य सङख्यामा ग्राहकहरू वृद्धि गरिरहेको छ । २०७८ साउनदेखि आफ्नो सेवा सुरु गरेको यस कम्पनीले मंसिरसम्म ४४ हजार २८७ ग्राहकहरू बनाउन सफल भएको छ । भर्खरैदेखि सेवा सुरू गरेको यस कम्पनीको अघिल्लो वर्षको तथ्याङ्क नभएको तर पनि ग्राहक सङ्ख्या उल्लेख्य रुपमा वृद्धि भएको देखिएपछि हामीले यसलाई पनि समेटेका हौं ।
