फिल्म ‘पुष्पाः द राइज’ दक्षिण भारतमा मात्र नभई देशका अन्य भागमा पनि निकै लोकप्रिय भएको थियो । बक्स अफिसका सबै कीर्तिमान तोडिएपछि यो फिल्मले सामाजिक सञ्जालमा पनि निकै चर्चा कमाएको छ ।
अल्लु अर्जुनको क्यारेक्टरदेखि श्रीवल्लीको गीतदेखि ओ एन्टवासम्म फिल्मको हरेक दृश्यले हेडलाइन बनाइ रहेको छ ।
फिल्म रिलिज भएसँगै अभिनेता अल्लु अर्जुनको लोकप्रियता पनि निकै बढेको छ । अभिनेताले अहिले साउथका सुपरस्टार रजनीकान्तलाई पनि उछिनेका छन् । अल्लु अर्जुन ट्विटरमा सबैभन्दा धेरै फलो हुने साउथ स्टार बनेका छन् ।
‘पुष्पाः द राइज’का निर्देशकले गरेका पाँच ठूला गल्ती
साउथ स्टार अल्लु अर्जुनको फिल्म ‘पुष्पाः द राइज’ले बक्सअफिसमा अहिले पनि...
बुधवार, माघ १२ २०७८अल्लु अर्जुनको ट्विटरमा फलोअर्सको संख्या ६५ लाख नाघेको छ । उनले कसैलाई पनि फ्लो गरेका छैनन् ।
दोस्रो नम्बरमा सुपरस्टार रजनीकान्त रहेका छन् । जसको ६.१ मिलियन (६१ लाख) फलोअर्स छन् । रजनीकान्तले आफ्नी छोरी ऐश्वर्या रजनीकान्त, धनुष, अमिताभ बच्चन सहित २४ जनालाई फलो गर्ने गरेका छन् ।
यसपछि तेस्रो नम्बरमा चिरञ्जीवी छन् जसको १२ लाख फलोअर्स छन् । चिरञ्जीवीले पनि अल्लु अर्जुनजस्तै कसैलाई फलो गरेका छैनन् ।
‘पुष्पा २’ को छायांकन मार्चबाट सुरु
हालैको एक अन्तर्वार्ताका क्रममा पुष्पा स्टारर रश्मिका मन्डन्नाले ‘पुष्पाः द राइज’ को पार्ट २ ‘पुष्पाः द रुल’ को सुटिङ मार्चबाट सुरु हुने बताएकी छन् ।
यो फिल्म यसै वर्षको डिसेम्बरमा रिलिज हुने बताइएको छ । अल्लु अर्जुन र रश्मिकाका अलावा फहद फासिल पनि फिल्ममा देखिनेछन् ।