प्रदेश १ मा पछिल्लो २४ घण्टामा ६ सय ९३ जनामा कोरोना सङ्क्रमण देखिएको छ। ८ सय ४१ जनाको पीसीआर परीक्षण गर्दा ३ सय ८३ र ८ सय १० जनाको एन्टिजेन परीक्षण गर्दा ३ सय १० जनामा कोरोना सङ्क्रमण देखिएको सामाजिक विकास मन्त्रालयले जनाएको छ।
मन्त्रालयका अनुसार पीसीआर परीक्षणका आधारमा मोरङमा १ सय ७६, सुनसरीमा ८७, झापामा ६६, उदयपुरमा १५, इलाम र धनकुटामा ६–६, भोजपुरमा २, ताप्लेजुङ, सङ्खुवासभा र खोटाङमा १–१ र प्रदेश १ बाहिरका २२ जनामा सङ्क्रमण भएको हो ।
मोरङको विराटनगरमा १ सय ३५, पथरीशनिश्चरे र सुन्दरहरैचामा ८–८, बुढीगंगामा ५, बेलबारी र उर्लाबारीमा ४–४, केराबारीमा ३, रतुवामाई र कटहरीमा २–२, कानेपोखरी, ग्रामथान, सुनबर्षी, जहदा र धनपालथानमा १–१ जनामा सङ्क्रमण देखिएको छ। सुनसरीको धरानमा ३७, इटहरीमा ३२, इनरुवामा ५, रामधुनी र दुहवीमा ३–३, देवानगञ्ज र स्थानीय तह नखुलेका २–२, गढी, बराहक्षेत्र र कोसी गाउँपालिकामा १–१ जनामा सङ्क्रमण देखिएको छ।
झापाको विर्तामोड र दमकमा १३–१३, कनकाईमा ११, भद्रपुरमा ८, अर्जुनधारामा ५, गौरादह र शिवसताक्षीमा ४–४, कमल गाउँपालिकामा ३, बुद्धशान्ति र बाहृदशीमा २–२, मेचीनगरमा १ जनामा सङ्क्रमण देखिएको छ। उदयपुरको कटारीमा ७, बेलकामा ३, त्रियुगा र स्थानीय तह नखुलेका २–२ र चौदण्डीगढीमा १ जनामा सङ्क्रमण देखिएको छ।
इलामको इलाम नगरपालिकामा २, माई, मांसेबुङ, सूर्योदय र माई जोगमाईमा १–१ जनामा सङ्क्रमण देखिएको छ। धनकुटाको धनकुटा नगरपालिकामा ६, भोजपुरको भोजपुर नगरपालिका र स्थानीय तह नखुलेका १–१, ताप्लेजुङको फक्ताङलुङ, सङ्खुवासभाको मादी र खोटाङको दिप्रुङमा १–१ र प्रदेश १ बाहिरका २२ जनामा सङ्क्रमण भएको मन्त्रालयले जनाएको छ।
प्रदेश १ मा शुक्रवार ३ सय २९ जना कोरोना सङ्क्रमणमुक्त भएका छन्। सङ्क्रमणमुक्त हुनेमा १ सय ५१ महिला र १ सय ७८ पुरुष रहेका छन्। पछिल्लो २४ घण्टामा कोरोना सङ्क्रमणबाट २ महिलाको मृत्यु भएको छ। सक्रिय सङ्क्रमितको सङ्ख्या ७ हजार ४ सय १६ पुगेको सामाजिक विकास मन्त्रालयले जनाएको छ।