नेपालमा तेस्रो लहरको कोरोना सङ्क्रमण तिब्र रुपमा फैलिरहँदा रेड जोनमा पर्ने जिल्लाको सङ्ख्या १९ पुगेको छ ।
बिहीबार अपरान्हसम्म ९० हजार ५७६ सक्रिय सङ्क्रमितमध्ये १९ जिल्लामा ५०० भन्दा बढी सङ्क्रमित रहेका छन् । आज सप्तरी र तनहुँ रेड जोनमा उक्लिएसँगै सङ्ख्या १९ पुगेको हो ।
प्रदेश १ को झापा मोरङ सुनसरी मधेश प्रदेशका धनुषा र सप्तरी, बागमती प्रदेशका काठमाडौं, ललितपुर, भक्तपुर, चितवन, मकवानपुर, काभ्रेपलान्चोक, नुवाकोट, गण्डकी प्रदेशका कास्की, तनहुँ र नवलपरासी (पूर्व), लुम्बिनी प्रदेशका बाँके, रुपन्देही र दाङ त्यस्तैगरी कर्णाली प्रदेशको कैलाली जिल्ला रेड जोनमा परेका हुन् ।
अहिलेसम्म कर्णाली प्रदेशका कुनै पनि जिल्ला रेड जोनमा छैनन् भने प्रदेश १ का कुनै पनि जिल्ला एल्लो जोनमा परेका छैनन् ।
२०० बढि सक्रिय सङ्क्रमित रहेको जिल्लाको सङ्ख्या १७ छ । एल्लो जोनमा परेका जिल्लाहरूमा मधेश प्रदेशका पर्सा, बारा, महोत्तरी, सर्लाही र सिराहा, बागमती प्रदेशका धादिङ, सिन्धुपाल्चोक, सिन्धुली र दोलखा गण्डकी प्रदेशका गोरखा, स्याङ्जा र बाग्लुङ, लुम्बिनी प्रदेशका पाल्पा, बर्दिया र गुल्मी त्यस्तैगरी कर्णाली प्रदेशको सुर्खेत र सुदूरपश्चिम प्रदेशको कञ्चनपुर रहेका छन् ।
पिसिआर परीक्षण गराएकामध्येबाट पोजेटिभ देखिने दर केही दिन अगाडि ५६ प्रतिशत भन्दा माथि पुगेकोमा अहिले घटेर ३७ प्रतिशतमा झरेको छ ।
