राष्ट्रियसभाको निर्वाचनमा नेकपा एमालेलाई क्लिनस्वीप हुनबाट जोगाएका सोनम ग्याल्जेन शर्पालाई प्रदेश १ का पूर्वमुख्यमन्त्री दम्पतीले बधाई दिएका छन् ।
१९ पदको लागि भएको निर्वाचनमा गठबन्धनले १८ स्थानमा जित हाँसिल गर्दा नेकपा (एमाले) का नेता सोनम ग्याल्जेन शेर्पा प्रदेश १ बाट विजयी भएर एमालेलाई क्लिनस्वीप हुनबाट जोगाएका हुन् ।
विजयी भएपछि शेर्पासँग खिचिएको तस्विर राख्दै प्रदेश १ का पूर्वमुख्यमन्त्री शेरधन राई र उनकी पत्नी जाङ्मु इन शेर्पा ले सामाजिक सञ्जालमार्फत बधाई दिएका हुन् ।
जाङ्मुले लेखेकी छिन् “हार्दिक बधाई छ सोनाम ग्याल्जेन दाई ! पाँच दलीय गठबन्धनलाई तोडदै र भत्काउदै तपाईले जीत हासिल गर्नुभएको छ ! गुरु बराल दाईले जितेर पनि हार्नु परयो, अर्का सुमित्रा भण्डारी दिदीले पनि हार्नुभयो तर केही छैन हारबाट पार्टी र उमेद्वारहरु अवश्य बिचलित हुनुहुने छैन । ”
उनी अल्पसंख्यक क्षेत्रबाट उम्मेदवार बनेका थिए । शेर्पाले ४ हजार ७३४ मत भारसहित विजयी भएका छन् । उनका निकटतम प्रतिद्वन्द्वी हेमराज राई पराजित बनेका छन् । राईले ४ हजार ३ सय ६८ मतभार प्राप्त गरे । जसपाका नेता राईलाई गठबन्धनले अगाडि सारेको थियो ।