जिल्ला प्रशासन कार्यालय मोरङले नोबेल मेडिकल कलेजमा भइरहेको आन्दोलन रोक्न अनुरोध गरेको छ ।
प्रमुख जिल्ला अधिकारी काशिराज दाहालले आज एक विज्ञप्ती जारी गर्दै कोभिड-१९ को तेश्रो भेरियण्ट ओमिक्रोनका कारण मोरङमा कोभिडको संक्रमण अत्यधिक बढेको हुनाले आन्दोलन रोक्न अनुरोध गरेका हुन् ।
उनले नोवेल मेडिकल कलेजले चिकित्सा शिक्षा आयोगबाट निर्धारण भएको भन्दा बढी रकम लिएको विषयमा अनुसन्धान गरी कानून बमोजिम कारवाहीको प्रक्रिया अगाडि बढीसकेको समेत बताएका छन् ।
गृह मन्त्रालय, चिकित्सा शिक्षा आयोग र काठमाडौं विश्वविद्यालय समेतलाई बोधार्थ दिइएको उक्त पत्रमा आन्दोलनले गर्दा मोरङमा कोरोना सङ्क्रमणको जोखिम बढ्न जाने बताइएको छ ।
एमबिबिएस पहिलो वर्ष (१५औँ) ब्याचमा अध्ययनरत सम्पूर्ण विद्यार्थीलाई समेटेर कक्षा सञ्चालन गराउनुपर्ने र केही सीमित विद्यार्थीलाई राखेर कक्षा सञ्चालन गराउन नपाउने सहमति भएतापनि कलेजले उक्त सहमति तोडेको विद्यार्थीहरूको आरोप छ । सहमतिविपरीत एमबिबिएस प्रथम वर्षको कक्षा सञ्चालन गरेपछि विद्यार्थीहरूले विरोध प्रदर्शनलाइ निरन्तरता दिइरहेका छन् ।
बढी शुल्क लिएको नोबेल मेडिकल कलेजको बारेमा केटिएम दैनिकमा यसअगाडि प्रकाशित समाचारहरू
सिंहदरबारमै सुनील शर्मामाथि मोसो, सुरक्षा संयन्त्रमाथि प्रश्नचिह्न !
सुनिल शर्मालाई विद्यार्थीले दले कालोमोसो
नोबेलका विद्यार्थीले गरे जिल्ला प्रशासन कार्यालय घेराउ, १६ तस्विरहरू
नोबेलअगाडि दिनहुँ प्रदर्शन, मेडिकल सञ्चालकका अघि स्थानीय प्रशासन लाचार !
नोबेलमा आन्दोलनरत विद्यार्थीमाथि प्रशासनको हस्तक्षेप: अस्पताल तोडफोड, दुई जना घाइते
नोबेल मेडिकल कलेजले अतिरिक्त शुल्क लिए कक्षा संचालन नै रोक्ने प्रजिअको चेतावनी