गएराति एक पठाओ राइडर अपहरणमा परेका छन्। अपहरित व्यक्ति २५ वर्षीय प्रविन राई हुन्। उनलाई २१ वर्षीय सुमन तामाङ र २६ वर्षीय मीनराज राईले अपहरण गरेका महानगरीय प्रहरी परिसर ललितपुरले जनाएको छ।
प्रहरीका अनुसार सुमन कोटेश्वरबाट पठाओमा चढेका थिए। उनले राति ११ः३० बजेतिर धापाखेलसम्म छाडिदिन पठाओ राइडरलाई आग्रह गरेका थिए। धापाखेल पुगेपछि सुमन र उनका साथी मीनराज मिलेर प्रविनलाई लुटपाट गरी मुखमा बाक्लो टेप लगाएर हातखुट्टा बाँधेर छाडेका थिए। लगत्तै राइडर राईको बागमती प्रदेश ०२–०१–००१ प ११६६ नम्बरको मोटरसाइकल लिएर उनीहरू भागेका थिए।